Pasažyru nadakučyli śmiardziučyja nohi susiedki. Jon vyrašyŭ prablemu aryhinalna
Nieprystojnyja pavodziny susiedziaŭ u samalocie — prablema, ź jakoj časta davodzicca sutykacca padarožnikam. Jak vyjaviłasia, nie ŭsie vytrymlivajuć nievynosnyja maniery inšych na borcie. Niadaŭna karystalnik TikTok znajšoŭ vielmi niezvyčajny sposab raźviazańnia prablemy.
Sprečki pra toje, ci možna zdymać abutak u samalocie, viaducca daŭno. Adny ličać, što heta dobry sposab rassłabicca ŭ padarožžy, inšyja źviartajuć uvahu na niehihijeničnaść i niekulturnaść takich pavodzinaŭ. U pryncypie, heta moža być prymalna, kali čałaviek chacia b trymaje nohi na svaim miescy.
Daniel, karystalnik TikTok, padzialiŭsia ŭ sacyjalnaj sietcy svajoj historyjaj pra niadaŭni palot. Spačatku ŭsio było dobra, ale potym jon zaŭvažyŭ toje, što jamu nie spadabałasia.
Na videa bačna: pasažyrka, jakaja siadzić za Danielem, prasunuła nohi napierad tak daloka, što jany razam z abutkam tyrčać z-pad siadzieńnia Daniela.
Mužčyna vyrašyŭ dać joj zrazumieć, što takija pavodziny niedapuščalnyja. Jon uziaŭ blašanku haziroŭki i… pakrychu pačaŭ vylivać jaje źmieściva na škarpetku. Choć spačatku pasažyrka nijak nie adreahavała, paśla čarhovaj sproby jana, narešcie, vyrašyła prybrać nohi z prastory Daniela.
Zrešty, heta nie pieršy vypadak, kali padarožniki sprabujuć navučyć svajho niekulturnaha susieda pavodzić siabie prystojna, jak źviartaje ŭvahu Onet.pl. Raniej sioleta žančynu, jakaja lacieła rejsam American Airlines, mocna šturchnuli ŭ plačo. Jana paviarnułasia i ŭbačyła bosyja nohi, jakija spačyvali na jaje padłakotniku. Kali situacyja paŭtaryłasia, pasažyrka ŭziała kubik lodu sa svajho napoju i pakłała jaho na nahu spadarožnika. Hety prosty žest nieadkładna daŭ čakany efiekt.
Takija historyi mohuć stać sihnałam dla avijakampanij, kab tyja bolš uvažliva sačyli za pavodzinami svaich pasažyraŭ i nakładali štrafy za niezachavańnie kultury padarožžaŭ.
Čytajcie jašče:
Siamja viehanaŭ paprasiła susiedziaŭ začyniać vokny, kali tyja hatujuć miasa
«Kali nie viedaješ, što rabić, — rabi raskoł». Najlepšyja tvity tydnia
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
bigpicture.ru/samye-zhutkie-poputchiki-v-samolete-kakix-tolko-mozhno-sebe-predstavit/