Na sustrečy z kiraŭnikom sudovych prystavaŭ Pucin pacikaviŭsia, a skul u ludziej biarucca daŭhi
Uładzimir Pucin siońnia pravioŭ sustreču z dyrektaram Fiederalnaj słužby sudovych prystavaŭ RF Dźmitryjem Arystavym. Vyśvietliłasia, što pakul Pucin zakłapočany svajoj jachtaj i viadzie vajnu na čužoj terytoryi, rasijanie biadniejuć, ich daŭhi rastuć.
Arystaŭ raspavioŭ Pucinu, što rost zapazyčanaściaŭ u Rasii raście, ciapier u jaho słužby ŭ rabocie 12,7 miljona dakumientaŭ na sumu ŭ 2 tryljony rasijskich rubloŭ.
«Heta vielmi šmat», — skazaŭ Arystaŭ.
Uzrost siaredniestatystyčnaha daŭžnika — pracazdolny, 30-45 hadoŭ; siaredniaja suma doŭhu — pryblizna 173 tysiačy rasijskich rubloŭ (kala 1800 dalaraŭ) na adnu vykanaŭčuju vytvorčaść.
«Hetaja katehoryja daŭžnikoŭ uvohule nie pracuje, aficyjnaj krynicy dachodu nie maje, maje adzinaje žyllo, jakoha pa hramadzianska-pracesualnym zakonie spahnać niamožna. Z hetych ludziej praktyčna ŭziać niama čaho. Tym nie mienš, my starajemsia…» — skazaŭ Arystaŭ.
«Uźnikaje pytańnie: jak u ich daŭhi ŭźnikli?» — spytaŭ Pucin.
«Tak, sapraŭdy, uźnikaje, — pahadziŭsia sudovy vykanaŭca i patłumačyŭ: — Mnohija ź ich — daŭžniki nie tolki pa kredytach, i nieadnarazovyja, ale i daŭžniki pa płaciažach za žyllova-kamunalnuju haspadarku, u paliŭna-enierhietyčnaj śfiery, zajmajuć u susiedziaŭ — nie addajuć, tyja pradjaŭlajuć. Kompleksna — takaja «prafiesija», prafiesijny daŭžnik.
«Prablema dziaržavy — treba, kab u ludziej nie ŭźnikali takija žyćciovyja situacyi, — zaŭvažyŭ Pucin i raskryŭ recept: — Uzrovień zarabotnaj płaty padvyšacca pavinien, u cełym dabrabyt ludziej».
Kamientary
No kak ekonomist skazał, čto nado diełať, čtoby dołhi nie voźnikali - povysiť zarpłaty.
Jeśli u ludiej budut dieńhi - u nich nie budiet dołhov.