Siarod zatrymanych padčas demanstracyj u Kapienhahienie – biełarus
Małady čałaviek moža być abvinavačany ŭ tym, što ŭdaryŭ palicejskaha.
Padčas masavych demanstracyj u Kapienhahienie, prymierkavanych da Kanfierencyi AAN pa źmienie klimatu, što prachodzić tut 7—18 śniežnia, byli zatrymany kala 1200 čałaviek.
Asnoŭnaje patrabavańnie demanstrantaŭ — «spynić mižnarodny handal klimatam» i pačać realnyja dziejańni pa jaho ratavańni. Na dumku ekaabaroncaŭ, heta možna zrabić, kali ŭsie krainy, u pieršuju čarhu raźvityja, voźmuć na siabie abaviazacielstvy pa realnym skaračeńni vykidaŭ.
Apošnija masavyja aryšty adbylisia ŭ noč na 15 śniežnia ŭ Chryścijanii — adnym z centralnych rajonaŭ Kapienhahiena. Jak paviedamili karespandentu ŭdzielniki mirnaj akcyi, palicyja ačapiła kvartały i prymianiła ślozaciečny haz. Padstavaj dla razhonu prysutnych pasłužyła barykada, uźviedzienaja niepadalok nieviadomymi, jak miarkujecca, udzielnikami «čornaha błoka».
Jak śćviardžajuć naziralniki, pry zatrymańni palicyja ŭžyła siłu, umovy ŭtrymańnia zatrymanych byli kiepskimi. 900 čałaviek užo źviarnulisia ŭ pravaabarončyja arhanizacyi pa dapamohu. Šef palicyi Kapienhahiena Pier Łarsien publična zajaviŭ ab tym, što ŭsie aryštavanyja ŭžo adpuščany na volu,
zastajucca pad vartaj tolki šeść čałaviek, jakim buduć pradjaŭleny abvinavačańni. Siarod ich, jak paviedamiŭ pradstaŭnik palicyi Džoni Łundbierh, znachodzicca adzin biełarus.
Jon aryštavany 13 śniežnia i da 3 studzienia budzie znachodzicca pad śledstvam. Małady čałaviek, imia jakoha nie raskryvajecca, moža być abvinavačany ŭ tym, što ŭdaryŭ palicejskaha.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ16
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1717
Kamientary