Hramadstva22

«Dla nas heta bolš rodnyja kamandy, bolš cikavyja». Dyrektar telekanała «Biełaruś 5» poŭny aptymizmu: čempijanat Rasii hladziać lepš, čym premjer-lihu

Dyrektar spartyŭnaha telekanała «Biełaruś 5» Pavieł Bułacki raskazaŭ u prahramie «Vyniki tydnia» na kanale «Biełaruś 5», jak jahony kanał pracuje va ŭmovach sankcyjnych abmiežavańniaŭ. Akazałasia, što sankcyi i tut tolki na karyść.

Pavieł Bułacki

Bułackamu zadali pytańnie, jak kanał źbirajecca vychodzić sa składanaj situacyi, jakaja skłałasia ŭ apošnija try-čatyry hady, kali adzin za druhim pryjšli kavid i sankcyi, u vyniku čaho ciapier biełaruskamu telebačańniu praktyčna zakryty vychad na jeŭrapiejski miedyjarynak.

«Usio, što nas nie zabivaje, robić nas macniejšymi. Kali ščyra, to kali my ŭžo pieražyli časy kavidu, kali suśvietny sport naohuł staŭ, pieražyli pandemiju, to nijakija sankcyi nas nie spyniać u raźvićci.

My pakazvajem toje, što zamianiaje raniejšy pradukt, i heta nie mocna adbivajecca na našych rejtynhach.

Naprykład, na praciahu doŭhich hadoŭ my pakazvali čempijanat Anhlii. A siońnia my pakazvajem čempijanat Rasii pa futbole. Dla nas samich heta stała niečakanaściu, što jaho hladziać navat lepš. U adzin cudoŭny dzień u nas u sietcy viaščańnia stajaŭ matč «el-kłasika» «Barsiełona» — «Reał», a adrazu paśla jaho stajaŭ pajadynak «Zienit» — «Spartak».

Dyk voś pa doli teleprahladaŭ u našaj krainie sustreča rasijskaha čempijanatu akazałasia navat vyšejšaj, čym «el-kłasika», jakoje hladziać va ŭsim śviecie. Dla nas heta bolš rodnyja kamandy, bolš cikavyja», — zajaviŭ Bułacki.

Straty «Biełaruś 5», pavodle jaho, niaznačnyja, i choć u rejtynhu kanał krychu sastupaje, ale chutka ŭsio maje naładzicca.

Varta adznačyć, što paśla taho, jak z-za sankcyj kanału «Biełaruś 5» stała składana nabyvać aŭtarskija pravy na pakaz suśvietnych spabornictvaŭ, kiraŭnictva kanała stała praktykavać pirackija tranślacyi. 

Kamientary2

  • Ultra
    23.10.2023
    Brachnia!
  • Paliašuk
    23.10.2023
    Kaliści ŭ 90-ja Bułacki vioŭ mižnarodnyja spartovyja naviny na BT, ahlad tak i nazyvaŭsia MSN. I štości tam nie było takoha rodnaha siońniašniamu Paŭłu rasiejskaha čempijanatu. Adny Top-5, Liha čempijonaŭ, NBA, NCHŁ, narezki lepšych miačoŭ, kurjozy ź pierabiŭkami na biezduchoŭny amierykanski hrandž (Smells like teen spirit), ci taki ž ichni pank-rok (Pretty fly), ci demanstrujučuju svaje vakalnyja i źniešnija danyja Džej Ło. Narmalny zabaŭlalny kantent dla amataraŭ sportu. Moža taksama trochi piracili, ale ž adčuvałasia peŭnaja ŭbudavanaść u suśvietny kantekst. Trochi sumna, što na miesca navatara ŭ spartyŭnym viaščańni pryjšoŭ savok kanjunkturščyk u harnitury, a imia/proźvišča zastałosia toje samaje. Zdrajca samomu sabie. Byvaje.
    Ale ž APŁ ci Sieryja A, ź jakoj pačynali tranślacyi Top-5, jak byli lepšymi lihami śvietu, tak i zastajucca. Izalavanaja ad jeŭrafutboła rasiejskaja "liha prykołaŭ" jak była dnom z damoŭnymi hulniami i z-fašystami na trybunach, tak i zastajecca taksama. Astatniaje - sprava hustu.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia8

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Usie naviny →
Usie naviny

Minskaja dyzajnierka: Razmaŭlać pa-biełarusku, nie spytaŭšy surazmoŭcu, ci zručna jamu, — śvinstva88

U Amurskaj vobłaści Rasii dziaŭčyna vypadkova vykinuła $75 tysiač. Uvišnyja susiedzi znajšli na śmietniku: častku prapili, na reštu kupili dom1

Na vulicy Matusieviča ŭ Minsku pobač ź dziciačym sadkom upaŭ bieśpiłotnik38

Kamandarm Litvy: Moža być i tak, što nijaki abjekt u Litvu ź Biełarusi i nie zalataŭ4

U achoŭnika Pucina zaŭvažyli ŭ rukach nieviadomuju pryładu. Ekśpierty vyznačyli jaho jak dron-pierachopnik4

Rasija ŭdaryła pa kałonii ŭ Zaparožskaj vobłaści. Zahinuli 16 čałaviek

«Fantastyčnaja čaćviorka: Pieršyja kroki» — novy błakbastar z supierhierojami i Piedra Paskalem. Tam zhadvajecca i Minsk3

Jak źmianilisia biełarusy paśla 2020 hoda? Cikavaje nazirańnie byłoha palitviaźnia8

Ukrainskija bieśpiłotniki atakavali bujny čyhunačny vuzieł u Rastoŭskaj vobłaści2

bolš čytanych navin
bolš łajkanych navin

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia8

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić