Hramadstva2727

Łukašenka namiaknuŭ, što hatovy havaryć z palakami

Alaksandr Łukašenka siońnia padčas naviedvańnia Minskaha rajona zrabiŭ niekalki zajaŭ, u tym liku i prakamientavaŭ vyniki parłamienckich vybaraŭ u Polščy.

Alaksandr Łukašenka ŭ Minskim rajonie 27 kastryčnika

Alaksandr Łukašenka ŭ svaich vykazvańniach trymaŭsia ahulnaj kanvy ŭstanovak rasijskaj prapahandy. Ale ŭ častcy, pryśviečanaj adnosinam z susiedziami i Zachadam, u jaho zajavach čytałasia hatoŭnaść adnavić razmovy.

«Małajcy palaki. Voś ja hetaha varyjantu nie čakaŭ. Jany prosta nie stali ŭ hetuju hulniu z hetymi apisanymi «pisaŭcami» hulać (kiroŭnaja partyja «Zakon i spraviadlivaść» (PiS), jakaja straciła bolšaść u parłamiencie. — NN), — kazaŭ Łukašenka. — Nu palaki, ja voś chvalu narod Polščy. Małajcy! Jany ŭcierli im nos. I apazicyju da ŭłady faktyčna pryviali. Užo Polšča budzie nie taja. Niachaj heta nie našy ludzi tam [va ŭładzie], nie nastrojenyja z nami razmaŭlać, ale heta inšyja ludzi (tut i dalej cytaty pavodle BiełTA. — NN)», — skazaŭ Łukašenka.

U toj ža čas Alaksandr Łukašenka praciahvaje prapahandysckuju hulniu vakoł nielehalnych mihrantaŭ, jakija iduć u Jeŭropu praź Biełaruś.

«Nie Łukašenka hetych mihrantaŭ tudy ciahnuŭ, a jany, bo jany na hetym zarablajuć».

Ën taksama praciahvaŭ krytykavać ułady Litvy i Łatvii.

«Litoŭcy, łatyšy — narmalnyja ludzi. Nie pašancavała z kiraŭnikami, što tut kazać. Ale heta ich prablema. Ja dumaju, što litoŭcy, łatyšy najbližejšym časam na vybarach i hetuju prablemu vyrašać».

Pry hetym jon padkreśliŭ, što biełarusy nie chočuć vajavać.

«Paciskajem ruki i budziem paciskać tym, chto choča žyć z nami ŭ miry. My vajavać nie chočam. Vy viedajecie, my možam adkazać. U nas jość čym adkazać jak nikoli», — skazaŭ Łukašenka.

«Ale my nie chočam vajavać. Bo hety adkaz doraha nam abydziecca. Treba razumieć: u vypadku sutyknieńnia ludzi zahinuć i z taho, i z druhoha boku. Tamu my vajavać nie chočam, my chočam žyć mirna», — zaklučyŭ Alaksandr Łukašenka.

Na vybarach u Polščy, što prajšli 15 kastryčnika, kiroŭnaja kansiervatyŭna-nacyjanalistyčnaja partyja «Zakon i spraviadlivaść» (PiS), jakaja była va ŭładzie z 2015 hoda, zaniała pieršaje miesca, ale bolšaść hałasoŭ sabrali apazicyjnaja kaalicyja ŭ składzie libieralna-kansiervatyŭnaj «Hramadzianskaj kaalicyi», centrystaŭ «Treciaha šlachu» i «Lavicy». Jak čakajecca, jany i sfarmujuć urad, heta adbudziecca da kanca hoda.

Adnosiny prarasijskaj Administracyi Alaksandra Łukašenki z Polščaj, Litvoj i Łatvijaj, jak i Ukrainaj, vielmi kiepskija. Jany sapsavalisia paśla 2020 hoda, kali Minsk raspačaŭ antyzachodniuju i antyjeŭrapiejskuju kampaniju, kab pieraklučyć uvahu hramadstva paśla sfalsifikavanych vybaraŭ. Jany pahoršali jašče bolš paśla prymusovaj pasadki łajniera «Rajanejr» u mai 2021 hoda. Paśla była sproba hnać nielehalnych mihrantaŭ na miažu, što Polšča i Litva rascanili jak hibrydnuju ataku. Akramia taho, byli razhromlenyja arhanizacyi nacyjanalnych mienšaściaŭ i aryštavanyja polskija aktyvisty. U Biełarusi taksama narastali represii, jakija išli ŭ pary z ašalełaj antyzachodniaj, antypolskaj i antyŭkrainskaj prapahandaj. Paśla ž taho, jak z terytoryi Biełarusi i pry padtrymcy Minska Rasija napała na Ukrainu, jany ŭvohule źvialisia da minimumu.

Kamientary27

  • Šłapty
    27.10.2023
    My tože pokul namikajem. Jaŭka s pavinnaj zamienić uračystaje pachavańnie ŭ jadziernym mahilniku na zvyčajny ćvitar dla asob, jakija ŭnieśli ŭniosak za zachavańnie Niezaležnaści pablizu Kurapataŭ. Dy i Koleńkie zališniaja doza stroncyja pry naviedvańnu na Radaŭnicu pachavańnia havaraščaj hałavy dadaść trochi rozumu
  • Mora
    27.10.2023
    A palaki ź im?
  • svoj
    27.10.2023
    Kab chto skazaŭ dziedu, što da ŭłady pryjšli jak raz bolš prajeŭrapiejskija siły.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad

Usie naviny →
Usie naviny

Alaksandr i Kola Łukašenki prybyli na Parad Pieramohi na Krasnuju płošču ŭ Maskvie6

Ziankovič: Biezumoŭna, ja b nie pajechaŭ u Maskvu pad harantyi Volhi Karač21

Zatrymali brata Ihara Łosika5

Zahadka vadałaza, jakoha znajšli biez hałavy i ruk: špijonskaja historyja časoŭ Chałodnaj vajny

«Jašče i kredytny rejtynh paciarpić». Bankamat zabraŭ hrošy, ale na rachunak jany nie pastupili3

U finale futbolnaha jeŭrakubka zhulajuć kamandy, jakija zajmajuć 15-je i 16-ja miescy ŭ svaim čempijanacie

«Staŭleńnie jak da skaciny». Prarasijski błohier raskazaŭ pra 25 sutak ŭ IČU12

Džej Dzi Vens: Rasija na pieramovach pa Ukrainie prosić bolš za razumnaje. Jana nie atrymaje terytoryi, jakija navat nie zachapiła3

Cichanoŭskaja: Vajna nikoli nie pavinna być srodkam vyrašeńnia prablem8

bolš čytanych navin
bolš łajkanych navin

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad

Hałoŭnaje
Usie naviny →

Zaŭvaha:

 

 

 

 

Zakryć Paviedamić