Vialiki skandał vakoł AAN: supracoŭniki arhanizacyi ŭdzielničali ŭ napadzie CHAMAS na Izrail
Izrail ustanaviŭ dačynieńnie jak minimum 12 supracoŭnikaŭ ahienctva AAN pa spravach palestynskich biežancaŭ (UNRWA) u napadzie na Izrail 7 kastryčnika razam z bajevikami CHAMAS. Hety fakt vyklikaŭ imhniennuju i žorstkuju reakcyju mnohich krain Zachadu, jakaja nie abmiežavałasia słovami.
Blizkaŭschodniaje ahienctva AAN dla dapamohi palestynskim biežancam i arhanizacyi rabot (UNRWA, ci BADAR) akazałasia datyčnym da masavaha napadu bajevikoŭ CHAMAS na Izrail u kastryčniku minułaha hoda, padčas jakoha byli zabityja amal 1300 izrailcian, uklučajučy žančyn, dziaciej i starych, a niekalki sotniaŭ było vykradziena ŭ pałon.
Da padobnych vysnovaŭ pryjšło aficyjnaje rasśledavańnie ŭ Izraili, jakoje ŭsio jašče praciahvajecca, pieradaje ahienctva Bi-Bi-Si.
Na hety momant Izrailem było ŭstanoŭlena dačynieńnie da napadu jak minimum 12 supracoŭnikaŭ BADAR, «u domie adnaho ź jakich siłkom utrymlivałasia pałonnaja izrailcianka, jakaja potym była adpuščana».
Akramia hetaha, izrailskaja raźviedka ŭstanaviła, što «prafsajuz BADAR kantralujecca bajevikami CHAMAS, a sami supracoŭniki ahienctva AAN brali ŭdzieł u śviatkavańniach z nahody zabojstvaŭ izrailcian».
Vystaŭlenyja abvinavačvańni pryviali da imhniennaj reakcyi cełaha šerahu krain Zachadu, jakija adrazu ž spynili finansavańnie BADAR, što moža pryvieści da kałapsu arhanizacyi.
Jak piša Bi-bi-si, na hety momant finansavańnie spynili ZŠA, Kanada, Vialikabrytanija, Šviejcaryja, Francyja, Hiermanija, Italija, Finlandyja, Niderłandy, Japonija i Aŭstralija, jakija źjaŭlajucca asnoŭnymi fundatarami BADAR.
Hienieralny sakratar AAN Antoniu Huteryš u svaju čarhu zajaviŭ, što jon «u žachu ad pačutaha».
U adkaz na vystaŭlenyja abvinavačvańni kiraŭnictva BADAR adrazu abviaściła, što razryvaje kantrakty z supracoŭnikami, jakija ŭdzielničali ŭ napadzie. Pry hetym jano adznačyła, što «šakavana masavym prypynieńniem finansavańnia ŭsioj arhanizacyi tolki z-za dziejańniaŭ niekatorych jaje čalcoŭ».
Na dumku BADAR, jaje finansavy bajkot možna pryvieści da niepapraŭnych achviar siarod palestynskaha mirnaha nasielnictva va ŭmovach vajskovaj apieracyi Izraila ŭ Hazie. Arhanizacyja zajaviła, što sprabuje zabiaśpiečyć humanitarnaj dapamohaj prykładna 1,7 miljonaŭ palestyncaŭ — amal try čverci nasielnictva ŭsioj Hazy.
Ahienctva Bi-bi-si padkreślivaje, što BADAR źjaŭlajecca najbujniejšaj ustanovaj AAN u Hazie. Jana daje miedykamienty, adukacyju i inšuju humanitarnuju dapamohu palestyncam u Hazie, na Zachodnim bierazie raki Iardan, a taksama ŭ Iardanii, Livanie i Siryi.
Ofis BADAR u Hazie naličvaje kala 13 000 supracoŭnikaŭ.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary