Paśla zbožža ES moža ŭvieści pavyšanyja mytnyja pošliny na inšyja biełaruskija i rasijskija tavary
Pavyšanyja mytnyja pošliny, jakija buduć uviedzienyja ŭ dačynieńni da zbožža ź Biełarusi i Rasii z 1 lipienia, mohuć paźniej być raspaŭsiudžanyja i na inšyja tavary, zajaviła 30 maja na pres-kanfierencyi pa vynikach pasiadžeńnia Rady Jeŭrasajuza pa handli ministarka zamiežnych spraŭ Bielhii Chadža Labib (Bielhija ciapier staršynstvuje ŭ Jeŭrasajuzie).
Pavodle słoŭ čynoŭnicy, hetaja prapanova «pavinna stać pradmietam dalejšaha abmierkavańnia dla acenki nastupstvaŭ ad jaje realizacyi». Z samoj hetaj inicyjatyvaj vystupiła Šviecyja.
30 maja Rada ES padtrymała prapanovu Jeŭrakamisii ad 22 sakavika i pryniała rašeńnie ab pavyšeńni taryfaŭ na impart niekatorych vidaŭ sielskahaspadarčaj pradukcyi z Rasii i Biełarusi.
Pres-sakratar MZS Biełarusi Anatol Hłaz, kamientujučy heta rašeńnie, zajaviŭ, što jano «naniasie ŭdar pa suśvietnaj charčovaj biaśpiecy», a «zvyčajnyja fiermiery, pradprymalniki i inšyja padatkapłacielščyki na sabie adčujuć jašče šerah niehatyŭnych nastupstvaŭ».
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary