Kryminalnuju spravu zaviali ŭ dačynieńni da «Płatformy 2025». Heta dakumient, padpisany na kanfierencyi «Novaja Biełaruś» u žniŭni. U im byli paznačanyja asnoŭnyja mety na budučuju elektaralnuju kampaniju. Siarod ich niepryznańnie suśvietnaj supolnaściu «vybaraŭ prezidenta», praca pa vyzvaleńni palitviaźniaŭ, a taksama ŭzmacnieńnie pracy ź dziejučymi dziaržsłužačymi, jakija padtrymlivajuć demakratyčnuju budučyniu krainy.
Śledčy kamitet zajaviŭ, što heta płatforma dla «kansalidacyi ekstremistaŭ dla kaardynacyi dziejańniaŭ u pieryjad elektaralnaj kampanii ŭ Respublicy Biełaruś».
SK śćviardžaje, što dadatkova identyfikavaŭ «jašče 22 asoby, jakija dałučylisia da dziejnaści Cichanoŭskaj i jaje prychilnikaŭ pa zachopu dziaržaŭnaj ułady ŭ Respublicy Biełaruś niekanstytucyjnym šlacham». Ich pryznali padazravanymi pa č. 1 art. 357 Kryminalnaha kodeksa (zmova ci inšyja dziejańni, učynienyja z metaj zachopu dziaržaŭnaj ułady).
Akramia taho, adznačaje SK, dadatkova identyfikavali 23 čałavieki, jakija ŭdzielničali ŭ schodach, arhanizavanych u roznych krainach biełarusami zamiežža. Jany stali padazravanymi pa kryminalnaj spravie pa č. 3 art. 361-1 KK (udzieł u ekstremisckim farmiravańni).
Kamientary