Kab daviedacca poł budučaha dziciaci, minčuki zamovili asabistuju padśvietku 27-paviarchovaha biznes-centra
Videa ź niezvyčajnym hiendar-paci ŭ Minsku nabrała bolš za miljon prahladaŭ i kala 75 tysiač łajkaŭ. A kolki ž kaštavała siamji vykarystać 27-paviarchovik dla taho, kab daviedacca vynik UHD?
Ideja daviedvacca pra poł budučaha dziciaci nie ŭ miedycynskim kabiniecie stanovicca ŭsio bolš papularnaj u Biełarusi. Razrazańniem torta z kalarovym načyńniem ci łopańniem šaryka z kanfieci ŭžo nikoha nie ździviš. Tamu niekatoryja pary pačynajuć šukać niebanalnyja varyjanty.
Tak siamja ź Minska vyrašyła skarystacca biznes-centram «Futurys», jaki znachodzicca kala stancyi mietro «Barysaŭski trakt». Spačatku na budynku źjavilisia siłuety budučych baćkoŭ, potym pačaŭsia 10-siakundny adlik, zatym nadpis «U vas…». Narešcie 27-paviarchovik staŭ całkam ružovym i raskryŭ intryhu: «Dziaŭčynka».
Zaviaršajecca rolik tym, jak budučy tata skača ad radaści. Videa zavirusiłasia. Bolšaść kamientataraŭ byli ŭ zachapleńni ad takoj idei. Znajšlisia navat tyja, chto bačyŭ hiendar-paci, kali jechaŭ pablizu, i ciapier vypadkovyja śviedki z zadavalnieńniem pavinšavali siamju.
Kaniečnie, byli pytańni pra košt pasłuhi.
Budučaja mama ŭ kamientaryjach raspaviała, što zamović takuju ŭračystuju padśvietku im kaštavała 1000 rubloŭ. Jana taksama ŭdakładniła, što pracavała z dyzajnieram kala tydnia — za jaho pracu zapłacili jašče 100 rubloŭ.
Što nie tak ź pirožnym «Karzinačka»? Doktarka raskazała, što kateharyčna nielha jeści ciažarnym
Eminiem stanie dziedam
Biełaruskaja aktrysa daviedałasia pra ciažarnaść tolki na piatym miesiacy. Heta raspaŭsiudžanaja źjava?
Išli pa dziaŭčynku, a tut «znoŭ dvojnia». Jak baćki z Baranavičaŭ hadujuć dźvie pary dvajniatak
Ciapier čytajuć
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju2020
Kamientary