Navuka i technałohii1414

Siadzieńni ŭ samalotach stanuć dvuchpaviarchovymi? Airbus stvaraje inavacyjny dyzajn

Śćviardžajecca, što novaja kancepcyja dazvolić aptymizavać prastoru ŭ sałonie i stvaryć alternatyvu tradycyjnym avijamiescam. Ale ci spadabajecca toje pasažyram?

Chaise Longue
Prajekt dvuchuzroŭnievych siadzieńniaŭ Chaise Longue. Fota: lex.nvb / Instagram

Adzin z najbujniejšych suśvietnych vytvorcaŭ samalotaŭ vyvučaje inavacyjny dyzajn dvuchuzroŭnievych siadzieńniaŭ, jaki moža źmianić budučyniu avijapieralotaŭ.

Jak piša CNN Travel, avijacyjny hihant Airbus pačaŭ supracoŭnictva sa startapam Chaise Longue, jaki staŭ viadomym dziakujučy kanceptu niezvyčajnaha dvuchuzroŭnievaha dyzajnu siadzieńniaŭ u samalotach. Spačatku toje byŭ studencki prajekt, ale ciapier, dziakujučy ŭvazie najbujniejšaha vytvorcy avijałajnieraŭ, jon, mahčyma, atrymaje šaniec na realizacyju.

Jak heta pracuje?

Dyzajn Chaise Longue praduhledžvaje vydaleńnie vierchnich bahažnych palic i raźmiaščeńnie druhoha ŭzroŭniu siadzieńniaŭ nad nižnim šeraham. Heta dazvolić aptymizavać prastoru ŭ sałonie samalota i patencyjna pavialičyć kolkaść pasažyraŭ.

Vierchni ŭzrovień prapanuje bolšy vuhał nachiłu kresła i mahčymaść vyprastać nohi, što dazvalaje lepš adpačyvać padčas doŭhich pieralotaŭ.

Prastora dla noh budzie pavialičanaja i dla pasažyraŭ nižniaha ŭzroŭniu, jaki na fota vyhladaje ciesnym. Raspracoŭščyki zapeŭnivajuć, što pasažyry zmohuć atrymać asałodu ad dadatkovaha miesca dla noh, bo taksama zmohuć ich vyciahvać.

CNN Travel prateściravała pieršyja pratatypy dvuchuzroŭnievych siadzieńniaŭ i pryjšła da vysnovy, što nižni ŭzrovień moža vyklikać adčuvańnie kłaŭstrafobii, ale dadatkovaja prastora dla noh moža kampiensavać dla niekatorych pasažyraŭ takuju niazručnaść.

Pieršapačatkova dyzajn byŭ raźličany dla ekanom-kłasa, ale ŭ minułym hodzie startap pradstaviŭ viersiju Chaise Longue dla biznes– i pieršaha kłasaŭ.

Krytyka i adkazy

Ideja dvuchuzroŭnievych siadzieńniaŭ nieadnaznačna ŭsprymajecca ludźmi. Kali pieršyja pratatypy trapili ŭ internet, to vyklikali žarty i krytyku.

Adny naśmichalisia, što nižni šerah pasažyraŭ moža sutyknucca ź niepryjemnymi pachami źvierchu, a inšyja śćviardžali, što heta sproba avijakampanij ucisnuć u sałon jak maha bolš ludziej.

Adnak dyzajnier Alechandra Nuńjes Vinsiente (Alejandro Núñez Vicente), kiraŭnik startapa Chaise Longue, zajaŭlaje, što nie sprabuje całkam zamianić tradycyjnyja miescy ŭ samalotach. Jon padkreślivaje, što jany nikudy nie źniknuć: Chaise Longue moža raźmiaščacca pasiaredzinie sałona, a pa bakach buduć kłasičnyja šerahi siadzieńniaŭ.

Chaise Longue
Prajekt raźmiaščeńnia dvuchuzroŭnievych siadzieńniaŭ Chaise Longue u sałonie. Fota: lex.nvb / Instagram

Nuńjes Vinsiente pryznaje, što avijakampanii mohuć vykarystoŭvać hetuju kancepcyju dla pavieličeńnia dachodaŭ i ekanomii na raschodach, źmiaščajučy bolš pasažyraŭ abo prapanoŭvajučy novyja typy miescaŭ. Adnak, na jaho dumku, heta tolki dadatkovy bonus, a nie asnoŭnaja meta prajekta.

Choć Airbus pakul nie daje padrabiaznych kamientaryjaŭ nakont prajekta, ale fakt taho, što jany vyvučajuć hetuju kancepcyju, pakazvaje, što dvuchuzroŭnievyja siadzieńni mohuć stać realnaściu. Sam Nuńjes Vinsiente adznačaje, što napieradzie jašče doŭhi šlach raspracoŭki. Kali ŭsio składziecca, mahčyma, praź niekalki hadoŭ pasažyry zmohuć sami vybirać — sieści na «bałkon» ci vyprastać nohi na nižnim uzroŭni.

Kamientary14

  • Čieł
    13.02.2025
    Aha, i srazu na rovnom miestie problemy. Kuda dieť tiepieŕ ručnuju kład́? Otkuda vypryhnut kisłorodnyje maski? Śviet? Obduv? Obied na vtorom etažie? Ekstriennaja evakuacija? Pochod v tualet babki iz sieriediny vtoroho etaža?
    Fantazior, ty mienia nazyvała.
  • a.hto.tam.idze
    13.02.2025
    Chočacca śpiadziavacca, što u kresłach vierchniaha ŭzrouniu budzie ŭładavana daskanałaja vientylacyja.
  • Zły
    13.02.2025
    Latučy płackart?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

«Šykoŭny restaran №1». Jak vyhladaje abnoŭlenaja stałovaja harvykankama ŭ Breście5

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić