Navukoŭcy bjuć tryvohu: ledziany ščyt Hrenłandyi paskorana raskołvajecca
Raskoliny na ledavikach, jakija ŭźnikajuć praz napružańnie, źjaŭlajucca važnym indykataram stanu ledzianych ščytoŭ. Jany mohuć varjiravacca ad milimietraŭ da niekalkich mietraŭ u šyryniu i pakazvajuć, jak lod ruchajecca ŭ bok akijana. I ŭ Hrenłandyi vielmi tryvožnyja tendencyi, paviedamiła vydańnie IFLScience.
Niadaŭna navukoŭcy vyjavili, što hetyja raskoliny pašyrajucca pa ŭsioj Hrenłandyi. Nazirańni pakazali, što ŭ pieryjad z 2016 pa 2021 hod abjom raskolin značna pavialičyŭsia, asabliva na paŭdniovym uschodzie ledzianoha ščyta. Heta źviazana z paskareńniem rastavańnia lodu praz paciapleńnie akijana.
Časam raskoliny schavanyja pad śniežnymi mastami, a ich hłybinia moža dasiahać 100 mietraŭ, asabliva ŭ zonach, dzie lod sustrakajecca z vadoj.
Vučonyja vykarystali spadarožnikavyja zdymki vysokaha razroźnieńnia dla stvareńnia trochmiernych kartaŭ, što dazvoliła acanić abjom i hłybiniu raskolin, a taksama zrazumieć, jak jany raźvivajucca. Vyniki pakazali, što ŭraźlivyja rajony ledzianoha ščyta stali jašče bolš niestabilnymi, asabliva z-za pavieličeńnia pamieru raskolin bolš čym na 25% u niekatorych siektarach.
Navukoŭcy, praŭda, vyśvietlili, što ahulny abjom raskolin na ledzianym ščycie Hrenłandyi pavialičyŭsia ŭsiaho na 4,3%, što stała niečakanym vynikam. Heta adchileńnie ad prahnozaŭ było kampiensavana ŭpłyvam ledavika Siermiek Kujalek, samaha chutkaha na płaniecie.
Jon zdolny ruchacca z chutkaściu amal 50 mietraŭ u dzień, što istotna ŭpłyvaje na ŭzrovień mora. Adnak paśla zapavoleńnia ruchu ledavika ŭ 2016 hodzie, praz prytok chałodnaj vady z Atłantyki, raskoliny na jahonaj pavierchni pačali zaciahvacca, kampiensujučy ahulnaje pavieličeńnie raskolin. Tym nie mienš, užo ŭ 2018 hodzie ledavik znoŭ paskoryŭsia.
Hetyja nazirańni padkreślivajuć važnuju rolu raskolin u žyćciovym cykle ledavikoŭ. Jany nie tolki spryjajuć paskareńniu ruchu ledzianoha ščyta, ale i dazvalajuć tałym vodam pranikać u jaho hłybini, što moža pryvieści da straty ledavikovaj masy i pavyšeńnia ŭzroŭniu mora.
Halfstrym spyniajecca? Poŭnač Jeŭropy, u tym liku i Biełaruś, moža pieratvarycca ŭ tundru
Miaža rastała. Šviejcaryja i Italija pierakrojvajuć kartu z-za lednikoŭ, što adstupili
Navukoŭcy abjavili pra prahres u adradžeńni mamanta. Ale navošta jaho adradžać?
Vializnyja mohiłki kamiennaha vieku kala palarnaha kruha ździvili archieołahaŭ
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy20
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary
Nie adrazu ž patonie.
Niejki čas budzie na uźbiarežžy.
Moža chto kupić zadoraha.
Tramp, Mask, dzie *** ledziany ščyt?!