Biełaruskuju piensijanierku padmanuŭ zakachany ŭ jaje Kijanu Ryŭz
Vosieńniu 2024 hoda 63-hadovaj žycharcy Viciebska napisaŭ mužčyna, jaki pradstaviŭsia Kijanu Ryŭzam. Na ruskaj movie «aktor» pryznaŭsia joj u kachańni, piša Śledčy kamitet.
Spačatku piensijanierka razmaŭlała z Kijanu Ryŭzam na ahulnyja temy, ale zusim chutka jon pačaŭ pisać joj ramantyčnyja paviedamleńni i pryznavacca ŭ kachańni.
Bolš za toje, jon aktyŭna dasyłaŭ joj «svaje» fotazdymki — u žančyny nie było sumnievaŭ, što pierapisvajecca jana z sapraŭdnaj kanadskaj zorkaj.
U śniežni «aktor» zachacieŭ dasłać joj 500 tysiač dalaraŭ. Piensijaniercy pačali prychodzić paviedamleńni ad «paštovych firmaŭ», jakija prasili zapłacić za pierasyłku vialikaj sumy. Tady jana pieraviała machlaram čatyry tysiačy rubloŭ.
Na hetym pryhody nie spynilisia — kab zabrać pasyłku z «hrošami ad Kijanu Ryŭza», treba było zapłacić jašče siem tysiač dalaraŭ. Žančyna pryjšła ŭ bank, kab atrymać kredyt, i tady adzin z supracoŭnikaŭ ustanovy paraiŭ joj źviarnucca ŭ milicyju.
Viciebski śledčy kamitet raspačaŭ spravu ab machlarstvie (častka 1 artykuła 209 KK).
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary