U Salihorsku bankamat vydaŭ takija dalary, što ŭ banku nie zachacieli prymać
U redakcyju Onliner.by napisała čytačka, jakaja źniała ŭ bankamacie 700 dalaraŭ. Praz dva dni jana nakiravałasia ŭ inšy bank, kab pakłaści hrošy na kartku, ale sutyknułasia ź niečakanaj prablemaj.
— Nivodnuju kupiuru nie pryniali na padstavie niepłaciežazdolnaści banknot (plamy, śviačeńnie ŭ ultrafijaletavaj praviercy, paciortaści), — raspaviadaje žančyna.
Jana źviarnułasia ŭ «VTB (Biełaruś)», bankamat jakoha vydaŭ hetuju valutu. Tam prapanavali zaličeńnie na valutnuju kartku abo abmien na biełaruskija rubli pa kursie.
Rabotniki śćviardžali, što ŭsimi bankami ŭ Biełarusi prymianiajucca adnolkavyja patrabavańni da dalaravych kupiur.
Redakcyja źviarnułasia ŭ «VTB (Biełaruś)» z prośbaj patłumačyć situacyju i rastłumačyć, jakija praviły dziejničajuć, kali klijent maje pretenzii da valuty, vydadzienaj u bankamacie.
Bank adkazaŭ: «VTB (Biełaruś)» uvažliva sočyć za jakaściu vydanych banknot. Usie banknoty ŭ našych pryładach samaabsłuhoŭvańnia prachodziać abaviazkovuju pravierku na sapraŭdnaść i płaciežazdolnaść u adpaviednaści z ustalavanymi standartami mižbankaŭskaha pahadnieńnia.
Kali banknoty, vydadzienyja ŭ našym bankamacie, nie byli pryniaty ŭ inšym banku, my hatovyja razhledzieć kožny vypadak indyvidualna. Pasłuha pa zamienie banknot u zamiežnaj valucie ŭ banku adsutničaje», — skazali ŭ banku.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary