U Italii biełarusaŭ atakavali paśla DTZ z paciarpiełym padletkam
U Italii siamja 56-hadovaha biełarusa paśla DTZ, u jakim paciarpieŭ 15-hadovy padletak, padvierhłasia pahrozam i źbićciu z boku svajakoŭ chłopca. Pra heta sa słoŭ mužčyny paviedamili vydańni Corriere Romagna i Resto del Carlino, piša sajt «Biełaruś i śviet».
Avaryja adbyłasia 29 sakavika ŭ horadzie Rymini pozna ŭviečary. Aŭtamabil, jakim kiravaŭ naš suajčyńnik i ŭ jakim znachodzilisia taksama jaho žonka i małodšy syn, sutyknuŭsia ź junakom na skutary, jaki vyjechaŭ z zavułka — mierkavana, biez šlema. U vyniku padletak zvaliŭsia na asfalt i atrymaŭ surjoznyja traŭmy. Jaho dastavili ŭ balnicu ŭ reanimacyjnaje adździaleńnie i paśla apieracyi ŭviali ŭ štučnuju komu.
Jak raskazaŭ biełarus praz svajho advakata, sutyknieńnie było raptoŭnym. Padletak raźbiŭ hałavoj škło mašyny. Mužčyna adrazu spyniŭsia i, pavodle jaho słoŭ, zrabiŭ usio mahčymaje, kab dapamahčy paciarpiełamu.
U tym liku razam z žonkaj i synam (ravieśnikam skutarysta) adrazu ž patelefanavali ŭ palicyju, miedykam i vyratavalnikam. Ale, kaža, jon zusim nie čakaŭ, što pravaachoŭniki stanuć jašče i vyratavalnikami dla jahonaj ułasnaj siamji.
Sprava ŭ tym, što naš suajčyńnik i niepaŭnaletni žyvuć niedaloka adzin ad adnaho i ad miesca avaryi. Chutka tam sabrałasia hrupa svajakoŭ chłopca — pradstaŭnikoŭ narodnaści sinci, zachodniaha adhalinavańnia cyhan. Pavodle słoŭ biełarusa, kala piacidziesiaci čałaviek abstupili jaho i siamju, pačali pahražać, a potym niekatoryja i źbivać — bili pa hałavie i nahach. Na ščaście, źjavilisia palicyjanty, i prysutnyja pačali raźbiahacca.
Pa słovach biełarusa, jon, žonka i syn pieražyli mocny strach i stres. U palicyi jamu paraili, kab paźbiehnuć novych sutyknieńniaŭ z svajakami junaka, na niekatory čas źjechać. Što siamja i zrabiła dziela ŭłasnaj biaśpieki. Paśla źbićcia suajčyńnik razam z žonkaj i synam źviartalisia da lekara. Padavać skarhu jon nie źbirajecca, kaža, što ciapier adzinaje, čaho choča, — kab chutčej źjavilisia dobryja naviny pra stan chłopca.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary
A praŭda takaja: naš suajčyńnik jechaŭ jak pryzvyčaiŭsia - nie skidvaŭ chutkaść na skryžavańni, - i dla jaho stała "niečakanaściu" źjaŭleńnie maładziona na skutery, bo na takoj chutkaści jak u nas pryniata ŭ Biełarusi jeździć, usio moža być niečakanaściu...
Zdaryłasia niepapraŭnaje.
Artykuł u našaj nivie pryśviečany čamuści zusim inšamu aśpiektu zdareńnia - sacyjalnaj niepryjaźni da darožnaha złačyncy ź biełaruskim pašpartam.
Nu kali tak napisany artykuł, to ja prosta vymušany napisać taki trošački niedalikatny kamientar, jaki viartaje nas na Ziamlu. Biełarusy nie ŭmiejuć biaśpiečna kiravać aŭtamabilem. Voś i ŭsio što zdaryłasia. A pa pysie z nahi jamu b dali i ŭ Biełarusi biez prablem... Za takuju traŭmu - heta całkam mažliva.