Abvinavačańnie ŭ padpałach damoŭ, źviazanych z premjeram Brytanii, vystaŭlena 21-hadovamu ŭkraincu
21-hadovamu hramadzianinu Ukrainy Ramanu Łaŭrynoviču vystaŭlena abvinavačańnie ŭ troch epizodach padpału z namieram stvareńnia pahrozy žyćciu paśla pažaraŭ u dvuch damach i aŭtamabili ŭ Łondanie, źviazanych z premjer-ministram Vialikabrytanii Kiram Starmieram, paviedamiła palicyja.
Łaŭrynovič byŭ aryštavany ŭ Sidnemie na paŭdniovym uschodzie Łondana ranicaj u aŭtorak. U piatnicu jon paŭstanie pierad Viestminsterskim mahistrackim sudom, piša Bi-bi-si.
Pažary, u jakich nichto nie paciarpieŭ, adbylisia ciaham čatyroch dzion — 8—12 maja na poŭnačy Łondana. Tady padpalili pryvatny dom, jakim vałodaje Starmier, pryparkavany aŭtamabil na toj ža vulicy i jašče adzin dom, dzie Starmier žyŭ raniej.
Z-za suviazi ź viadomaj asobaj rasśledavańniem incydentaŭ kiravała Kontrterarystyčnaje kamandavańnie łondanskaj palicyi. Unačy 12 maja pažarnych vyklikali ŭ žyły dom u Kientyš-Taŭnie. Starmier i jaho siamja žyli tam da taho, jak jon staŭ premjer-ministram letaś.
Ciapier, nakolki viadoma, Starmier žyvie ŭ svajoj aficyjnaj rezidencyi na Daŭninh-stryt, 10, a jaho ŭłasny dom zdajecca ŭ arendu.
Pry pažary paškodžanyja ŭvachodnyja dźviery doma ŭ Kientyš-Taŭnie.
Raniej, 8 maja, zahareŭsia aŭtamabil, źviazany sa Starmieram, na toj ža vulicy. A ŭnačy 11 maja byŭ nievialiki pažar na ŭvachodzie doma ŭ Iślinhtanie, pieraabstalavanaha ŭ šmatkvaterny dom. Jak vyśvietliła Bi-bi-si, Starmier žyŭ pa hetym adrasie ŭ 1990-ja hady.
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary