«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła
Asudžanuju za łajk u «Adnakłaśnikach» 45-hadovuju žycharku Łuninca Tamaru Karavaj, jakaja pamierła paśla vychadu z kałonii, za kratami nieadnarazova kidali ŭ ŠIZA. Pra heta i inšyja detali jaje ŭtrymańnia ŭ kałonii Homiela «Našaj Nivie» raskazali eks-palitźniavolenyja.
«Tamara znachodziłasia ŭ 18-m atradzie. Jašče kali była ŭ karancinie, pieršy raz zajechała ŭ ŠIZA, joj tady dali troje sutak. Paśla jaje jašče šmat razoŭ źmiaščali ŭ ŠIZA. Da jaje było vielmi šmat pretenzij z boku administracyi i zaŭhasa, i jaje ŭsialak imknulisia zapisać u dadatkovyja prybirańni, dadatkovyja narady», — raskazvaje adna z byłych palitźniavolenych, što pierasiakałasia z Karavaj u kałonii.
Pry hetym Tamara nie bajałasia vykazvać usłych svaje dumki i mierkavańni — u tym liku niepachvalnyja i hrubyja na adras administracyi.
«Jana nie bajałasia, što heta mohuć pačuć staronnija ludzi, jakija jaje mahli zdać. U pryncypie, za heta jaje i zdavali pa vyniku».
Viadoma, što Tamaru ŭ kałonii adpraŭlali myć tualety. Praź nialohkuju fizičnuju pracu i praciahłaje znachodžańnie ŭ ŠIZA jana mocna schudnieła.
«Ale jana šmat paśmichałasia, była vielmi tryvałaj žančynaj», — kamientujuć eks-palitźniavolenyja.
Pra śmierć Tamary Karavaj «Našaj Nivie» paviedamili jaje znajomyja. Aficyjnaja pryčyna — nie vytrymała serca. Nieviadoma, kali dakładna nie stała žančyny, ale anłajn u sacsietkach apošni raz jana była 23 krasavika 2025 hoda.
Tamara pracavała prybiralščycaj u łuninieckaj budaŭničaj kramie «Sprava techniki». Paśla stała indyvidualnaj pradprymalnicaj i pradavała na rynku abutak. Apošni čas pierad aryštam padpracoŭvała siadziełkaj.
Zamužam žančyna nie była, ale žyła z hramadzianskim mužam i hadavała syna. Na momant zatrymańnia jon byŭ niepaŭnaletnim.
Tamara Karavaj apynułasia ŭ liku pamiłavanych 20 žniŭnia 2024 hoda. Jana vyzvaliłasia na try miesiacy raniej za pryznačany joj termin.
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili
Chto toj pałkoŭnik Žuraŭski, jaki padbiŭ Ziankoviča, Fiadutu i Kastusiova na nibyta dziaržaŭny pieravarot?
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary
A śmiełym čiestnym žienŝinam - osoboje uvažienije!