У канцы траўня беларусы правядуць свята халадніка. Пакуль вядома пра тры кропкі на мапе.
Як распавёў «Нашай Ніве» гісторык, культуролаг, адзін з найлепшых знаўцаў традыцыйнай кухні Алесь Белы, Хайфа будзе рабіць свята 29 траўня (Hajfa, HaNeemanim 22) у 18:00. Батумі — 1 чэрвеня, у 18:00, вуліца Давіда Клдзіашвала, 32.
У канцы траўня ў Вільні трэці год будуць праводзіць маштабны фэст халадніка. Беларусы Вільні далучацца да мясцовага святкавання.
З 30 траўня па 1 чэрвеня ў «Карчме 1863» (Bokšto g. 2, Вільня) пройдзе міні-фэст халадніка.
«Мы з радасцю далучаемся да агульналітоўскага фэста халадніка, каб падзяліцца сваімі смакамі і адчуць водар суседскіх традыцый. У гэтыя дні халаднік стане сімвалам супольнасці, гасціннасці і культурнага дыялогу. Гэта наш спосаб сустрэць лета са смакам і нагадаць усім, як калісьці мы жылі ў адной дзяржаве, дзяліліся рэцэптамі, развівалі і ўзбагачалі традыцыі адзін аднаго. Бо кулінарная спадчына — гэта тое, што аб’ядноўвае нават праз стагоддзі», — распавялі ў «Карчме».
Каментары