Bajeviki CHAMAS rasstralali piać paleścincaŭ, jakija sprabavali ŭziać ježu sa składu AAN
U siektary Haza ŭzbrojenyja bajeviki CHAMAS zastrelili piacioch paleścincaŭ, jakija sprabavali prarvacca na skład z humanitarnaj dapamohaj. Incydent adbyŭsia ŭ łahiery Al-Mahazi, dzie zachoŭvalisia pastaŭki Suśvietnaj praduktovaj prahramy AAN.
Skład byŭ zachopleny CHAMAS, a dostup da praduktaŭ, u tym liku muki, dla nasielnictva byŭ pierakryty, piša Bild.
Bajeviki sistematyčna pierachoplivajuć humanitarnyja hruzy, kab zatym pradavać ich pa zavyšanych cenach. Pry hetym, pavodle naziralnikaŭ, nasielnictva Hazy ŭsio čaściej vykazvaje niazhodu — padobnyja sceny supracivu raniej byli niemahčymymi.
Z pačatku hetaha tydnia razdača ježy znoŭ pačałasia — ciapier jaje arhanizuje amierykanskaja struktura Gaza Humanitarian Foundation pry padtrymcy armii Izraila i pryvatnych achoŭnych kampanij. AAN udziełu nie prymaje: Izrail abvinavačvaje jaje ŭ supracoŭnictvie z CHAMAS. Terarysty ŭ adkaz zaklikali da bajkotu punktaŭ vydačy.
«My ŭpeŭnienyja, što naš narod budzie tryvać hoład, ale nie praciahnie ruku da akupanta pa dapamohu», — zajaviŭ pradstaŭnik CHAMAS Asama Chamdan.
Niahledziačy na pahrozy, mnohija paleścincy dziažurać kala punktaŭ razdačy ježy z nočy, kab apynucca pieršymi ŭ čarzie. U sacyjalnych sietkach tym časam źjaŭlajucca videa, dzie ludzi dziakujuć ZŠA za padtrymku.
-
U ZŠA znajšli cieła šaścihadovaha chłopčyka — maci kaža, što ź jaho «vyhaniali demanaŭ»
-
Na pracoŭnym stale ŭ Pucina staić kampjutar z apieracyjnaj sistemaj, jakaja ŭžo šmat hod nie abnaŭlajecca
-
Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach
Kamientary
Drobiaź, znoŭ chamas niekaha zabiŭ.