Kavy, u jakuju trenier Jafimaŭ «padsypaŭ» dopinh, nie było ŭ mieniu
A steroid mietenałon, jaki znajšli ŭ arhaniźmie Nadziei Astapčuk, razbavić u vadkaści amal niemahčyma.
Trenier Alaksandr Jafimaŭ raskazaŭ pazaŭčora, što patajemna padsypaŭ dopinh u kavu Nadziei Astapčuk.
Rychtujučy 14 žniŭnia materyjał pra zbory Nadziei Astapčuk u Raŭbičach, žurnalist Jeŭraradyjo pilna prahledzieŭ jaje mieniu za roznyja dni. I kavy tam nie było.
«Sałat z krabavych pałačak i kukuruzy, amlet ź viandlinaj, kampot, ikra, šakaład, bulbianoje piure, zapiečanaja ryba, pitnaja vada „Daryda“, čaj, blinčyki z džemam, z ptuškaj, ź viandlinaj… Uvieś asartymient u nas vypisany», — tak dyrektar restarana «Raŭbičy» Alaksandr Łukavoj nazyvaŭ nam stravy, jakija padavalisia na stoł 1 žniŭnia.
Prahladajem usie materyjały, zanatavanyja nami ŭ Raŭbičach, i na 100% upeŭnivajemsia, što
i 30 lipienia, kali pa aficyjnaj infarmacyi Jafimaŭ padsypaŭ dopinh u kavu, hetaha napoju ŭ restaranie nie padavałasia.
Naturalna, u restaranie «Raŭbičy» kavu možna było i dazamović: aparat staić za miežami zała u prachodzie na kuchniu. Vypić napoj, kudy nibyta padsypali dopinh, možna było i ŭ numary, pryhatavaŭšy na svajoj kavavarcy, i ŭ inšym bary.
Ale jašče adna niestykoŭka — mietenałon u vadkaj formie (vypuskajecca ŭ ampułach) uspłyvie navierch alejnaj plamaj.
Tearetyčna trenier Jafimaŭ moh rastaŭčy tabletku i ŭsypać atrymany parašok u kavu.
Ci mahčyma takim čynam rastapić u kavie mietenałon, pytajemsia ŭ niezaležnaha ekśpierta, vykanaŭčaha dyrektara Rasijskaha antydopinhvaha ahienctva («Rusada») Mikity Kamajeva.
«Anabaličnyja steroidy aralnaj formy drenna raspuščajucca ŭ vadkaści. U pryncypie, u formie tabletki jon u vadzie raspuščalny. Abmiežavana, ale raspuščalny. Usie anabaličnyja steroidy nie raspuščajucca ŭ vadzie, jany tłuščarastvaralnyja. Ale dla taho, kab zrabić „tableciravanuju“ formu, malekułu steroida złučajuć z častkaj, jakaja pavialičvaje raspuščalnaść u vadzie».
Vychodzić, tearetyčna rastvaryć parašok u kavie mahčyma, ale zrabić heta chutka i niezaŭvažna — nie.
Mikita Kamajeŭ nie vieryć u viersiju, što Alaksand Jafimaŭ bieź viedama spartsmienki padmiašaŭ joj u kavu biessensoŭny dopinh:
«Kali meta treniera była palepšyć vynik i dla hetaha patajemna joj dadać tabletku ŭ kavu, to heta viersija nie vytrymlivaje nijakaj krytyki. Trenier dastaŭ śpiecyfičny preparat, jaki vykarystoŭvajecca časta dla žančyn, vałodaje vyražanym anabaličnym dziejańniem. Ale mety palepšyć vynik jon nie dasiahnie, pakolki adnarazovaje pryniaćcie preparata ŭ tabletačnaj formie nie daść vyniku».
Alaksandr Jafimaŭ paviedamiŭ, što zachoŭvaŭ mietenałon «
Ci mahčyma nabyć mietenałon u našych kramach i aptekach? Telefanujem pad vyhladam klijentaŭ u adnu z papularnych kramaŭ, jakaja śpiecyjalizujecca ŭ prodažy spartovaha charčavańnia.
U vas jość preparat z nazvaj «Prymabałan» (jašče adna nazva preparatu)?
Krama: Viadoma ž nie! Heta anabaličny steroid, jon zabaronieny da prodažu.
Nie znajšli my dopinh i ŭ inšych profilnych kramach.
Jak vyśvietliła Jeŭraradyjo, mietenałon (ci «Prymabałan», ci «Prabieniecyd») nie zarehistravany ŭ Biełarusi ŭ jakaści miedycynskaha preparata.
Zvyčajna srodak cieniavym šlacham traplaje da spartsmienaŭ, jakija kankretna viedajuć, dla čaho jon im patrebny. Tamu viersija pra padsypany ŭ kavu mietenałon, jak ni kruci, vyhladaje, paviešanaj na vušy łokšynaj.
U internet źlili pierapisku Kavaleŭskaha i Cichanoŭskaj. Ale kancoŭ nie znajści31
Kamientary