Nobieleŭskuju premiju pa litaratury atrymaŭ kitajec Mo Jań — a na biełaruskuju z kitajskaj navat nichto nie pierakładaje
«Za realizm, jaki jadnaje kazki, historyju i sučasnaść».
Kitajski piśmieńnik Mo Jań staŭ łaŭreatam Nobieleŭskaj premii pa litaratury za 2012 hod. Ab hetym napres-kanfierencyi ŭ Stakholmie abviaściŭ sakratar šviedskaj Akademii Pieter Enhłund.
U hetym hodzie na premiju było vyłučana 215 litarataraŭ, a hałoŭnym pretendentam ličyŭsia nadzvyčaj papularny japonski piśmieńnik Charuki Murakami — bukmiekierskija kantory aceńvali jaho šancy nadzvyčaj vysoka.
Mo Jań, pavodle ramana jakoha Čžan Imoŭ źniaŭ film «Čyrvony haalan», byŭ u pieršaj piaciorcy — jon dzialiŭtreciaje-piataje miescy z kanadkaj Elis Munro i Pieteram Nadašam ź Vienhryi. Sapraŭdnaje imia piśmieńnika Huań Majo, a psieŭdanim pierakładajecca jak «Maŭčy».
Mo Jania ličać paśladoŭnikam fantastyčnaha realizmu Markiesa, prychilnikam jarkaj, hipiertrafavanaj movy, jon nie baicca šokavych apisańniaŭ hvałtu i seksu. Za što, darečy, peŭny čas padviarhaŭsia «tavaryskaj krytycy» ŭ kamunistyčnaj KNR. Ale
Mo Jań — zusim nie apazicyjanier.Naadvarot, jon namieśnik staršyni aficyjnaha sajuza piśmieńnikaŭ Kitaja. Heta taki kitajski Šołachaŭ.
Mo Jań — druhi kitajski piśmieńnik, jaki staŭ łaŭreatam Nobieleŭskaj premii, pieršym byŭ Haa Sincziań u 2000 hodzie.Na biełaruskuju movu z kitajskaj zusim nichto rehularna nie pierakładaje. Zrešty, navat na rasiejskuju movu — prytym što Rasieja vialiki susied i hieapalityčny supiernik Kitaja — tvory Mo Jania całkam nie pierakładalisia. Frahmienty jahonaj prozy ŭ pierakładzie byli nadrukavanyja ŭ litaraturnych almanachach.
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary