Milicyja: za raspaŭsiud halucynahiennych hryboŭ — da 13 hadoŭ turmy
Dniami ŭ redakcyju «Anłajniera» źviarnuŭsia čytač, jaki paviedamiŭ, što na poli pobač z horadam moładź źbiraje «čaradziejnyja» hryby, niadrenna na hetym zarablajučy.
«Kudy hladzić milicyja?» — zadaŭ pytańnie hramadzianin. Pa adkaz žurnalisty źviarnulisia ŭ RUUS Minskaha rajona.
«Prablema zrabiłasia aktualnaj u 2008 hodzie, — kaža Dźmitryj Biełavuška, načalnik adździeła narkakantrolu i procidziejańnia handlu ludźmi Minskaha RUUS. — Tady my zatrymali za zbor hryboŭ pieršaha čałavieka, raspačali kryminalnuju spravu. U 2009 hodzie — užo 4 čałavieki, 4 kryminalnyja spravy. U
Zatrymlivajuć u asnoŭnym za zachoŭvańnie (kali sabraŭ — značyć, užo zachoŭvaješ). Sankcyja artykuła — da 5 hadoŭ pazbaŭleńnia voli. Tym, kaho złavili ŭ Minskim rajonie, sudy, jak praviła, «vypisvali» chatniuju «chimiju» — abmiežavańnie voli biez nakiravańnia ŭ adkrytyja ŭstanovy papraŭčaha typu.
A voś zbytčyk atrymaŭ bolš surovaje pakarańnie — 8 hadoŭ u kałonii. Maksimalnaja sankcyja artykuła za zbyt — 13 hadoŭ.
«Zboram psiłacynavych hryboŭ zvyčajna zajmajucca maładyja ludzi va ŭzroście 18–25 hadoŭ, — praciahvaje Dźmitryj Biełavuška. — Jak praviła, bolšaść ź ich užo ŭžyvali narkotyki — marychuanu, kurylnyja sumiesi. Jany majuć znosiny ŭ internecie, na forumach, damaŭlajucca pra sumiesnyja vyłazki. Miescy, kudy jany jeździać, nam viadomyja. Hetyja ludzi vydatna razumiejuć, čym jany ryzykujuć, zajmajučysia niezakonnaj dziejnaściu. I, na žal, nie zadumvajucca pra nastupstvy. Havorka nie tolki pra pryvykańnie, psichičnuju zaležnaść (a časta hryby — prystupka da bolš ciažkich narkotykaŭ). Kryminalny artykuł za zbyt narkatyčnych srodkaŭ moža pastavić kryž na dalejšych žyćciovych płanach, na karjery».
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary