Sud Pieršamajskaha rajona Mienska pryhavaryŭ Viktara Kalinu da piaci z pałovaj hadoŭ, a jaho žonku - da čatyroch z pałovaj hadoŭ pazbaŭleńnia voli.
Muž i žonka pryznany vinavatymi pa ŭsich artykułach abvinavačańnia.
Nahadajem, słuchańnie pa spravie V.Kaliny i jaho žonki pačałosia 29 maja. Viktaru Kalinu inkryminavalisia machlarskija dziejańni, jakija jon učyniŭ dla atrymańnia strachoŭki za nibyta vykradzieny aŭtamabil. V.Kalina abvinavačvaŭsia ŭ arhanizacyi machlarstva ŭ asabliva bujnym pamiery (č. 4 art. 16 i č. 4 art. 209 KK), arhanizacyi zaviedama padmannaha danosu (č. 4 art. 16 i č. 2 art. 400 KK) i zaviedama padmannym pakazańni (č. 2 art. 401 KK). Śviatłana Kalina abvinavačvałasia va ŭčynieńni machlarstva ŭ asabliva bujnym pamiery (č. 4 art. 209 UK).
Pavodle słoŭ dziaržaŭnaha abvinavaŭcy, muž i žonka pradali aŭtamabil "Miersiedes-Benc", a paźniej zajavili ab jaho vykradańni ŭ Maskvie ŭ pravaachoŭnyja orhany Rasijskaj Fiederacyi. Žonka śpievaka była zatrymana ŭ Minsku pry atrymańni strachoŭki za nibyta vykradzienuju mašynu.
Na sudzie 29 maja V.Kalina zajaviŭ ab svajoj nievinavataści ŭ machlarstvie. Jon pryznaŭ vinu tolki ŭ tym, što častkova davaŭ zaviedama padmannyja pakazańni. Jaho žonka nie pryznała svaju vinu poŭnaściu.
Pryhavor budzie abskardžany ŭ 10-dzionny termin u sudzie vyšejšaj instancyi.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ19
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary