Літоўскі бок прызнаў факт парушэння мяжы шведскім самалётам летам мінулага года. Пра гэта паведаміў журналістам 24 мая старшыня Дзяржаўнага пагранічнага камітэта Беларусі Аляксандр Боечка.
«Яны прызналі, што такі факт меў месца. Гэта правільны крок з іх боку», — сказаў ён.
Кіраўнік беларускага пагранведамства адзначыў, што «мяжа ахоўваецца з двух бакоў, і адыходзіць ад гэтага пытання няправільна».
Аднаматорны самалёт са шведскім экіпажам з супрацоўнікаў кампаніі Studio Total несанкцыянавана перасек паветраную мяжу Беларусі раніцай 4 ліпеня. Ён правёў у паветранай прасторы краіны прыблізна паўтары гадзіны, скінуўшы над Івянцом і ўскраінай Мінска больш як 800 плюшавых мядзведзяў з запіскамі ў падтрымку дэмакратыі ў Беларусі.
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8
Каментары