«Мы не павінны дапусціць разавай дэвальвацыі — гэта будзе згубна для эканомікі», — заявіла старшыня праўлення Нацыянальнага банка Надзея Ермакова 18 верасня ў ходзе анлайн-канферэнцыі на сайце БелТА.
Паводле яе слоў, разавая дэвальвацыя «не дала таго выніку, які хацелі атрымаць». «Напэўна, яна ў прынцыпе рэдка дае чаканы вынік. Таму бягучая плыўная дэвальвацыя, якая прадугледжана зыходзячы з сярэдняга курсу рубля, які павінен працаваць у эканоміцы (тое, што мы казалі пра 9.500 рублёў за даляр), — гэта таксама і ёсць дэвальвацыя», — сказала Ермакова.
Кіраўнік Нацбанка заўважыла, што паступовая дэвальвацыя ідзе.
«Хоць у прынцыпе паступовая і плыўная дэвальвацыя назіраецца ва ўсіх краінах: той жа даляр пастаянна дэвальвуецца, ён не стаіць на месцы. Гэта ж тычыцца і еўра, і любой іншай валюты. Таму сказаць адназначна, што мы пойдзем у адваротны бок — што ў нас будзе рэвальвацыя, я не магу», — заявіла Ермакова.
Са студзеня 2009 года па верасень 2011-га беларусы перажылі некалькі падзенняў нацыянальнай валюты.
У 2009 годзе курс рубля да даляра быў зніжаны на 20,45%, у маі 2011 года — на 56,3%.
У верасні 2011-га дэ-факта адбылася трэцяя дэвальвацыя. Па выніках дадатковых — свабодных — таргоў на Беларускай валютна-фондавай біржы курс даляра склаў 8.600 беларускіх рублёў, перавысіўшы ў 1,6 разу афіцыйны, усталяваны на асноўных таргах.
Цяпер чытаюць
У Мінску адкрылі самую незвычайную развязку — алмазную. Выязджаць трэба як бы на сустрэчку ФОТА5
Каментары