І чаму беларускія ўлады захавалі ў таямніцы ягоную сустрэчу з Аляксандрам Лукашэнкам?
Таемны бліц-візыт Рамана Абрамовіча ў Менск спарадзіў хвалю чутак. Толькі праз тыдзень стала вядома, што расейскі мільярдэр прылятаў у Менск і можна толькі здагадвацца пра мэты ягонай сустрэчы з Аляксандрам Лукашэнкам, паведамляе Расейская служба радыёстанцыі «Бі-бі-сі».
Абрамовіч прыляцеў у Менск 25 верасьня зь Лёндану на ўласным "Боінгу" і прабыў у беларускай сталіцы 3 гадзіны 37 хвілінаў.
Усьлед за "Боінгам" у старым менскім аэрапорце, які знаходзіцца практычна ў цэнтры гораду, прызямліўся самалёт з дэлегацыяй расейскіх бізнэсоўцаў на чале з прэзыдэнтам "Слаўнафты" Юр'ем Суханавым.
Генэральны дырэктар прадстаўніцтва "Слаўнафты" ў Менску Сяргей Шаўчэнка ў чацьвер, 4 кастрычніка, вымушана паведаміў "Комсомольской правде в Беларуси", што Раман Абрамовіч абмяркоўваў з Лукашэнкам пэрспэктывы інвэстыцыйнай дзейнасьці.
Якія галіны беларускай эканомікі або гаспадарчыя аб'екты цікавяць Абрамовіча, пакуль не вядома.
Аналітыкі ў Менску, зрэшты, зьвяртаюць адмысловую ўвагу на падвышаную сакрэтнасьць мінулых перамоў.
Беларускія дзяржаўныя СМІ не паведамілі ні слова пра сустрэчу Лукашэнкі з мільярдэрам.
«Закрытасьць камэрцыйных пагадненьняў, якія зьдзяйсьняе беларускае кіраўніцтва, сама за сябе гаворыць: тут ня ўсё чыста, тут, відаць, ёсьць нейкія шэрыя схемы, якія ўлады спрабуюць схаваць ад грамадзкага кантролю, – адзначае палітоляг Валеры Карбалевіч. – Але беларускія прадпрыемствы належаць усяму народу, а не кіраўніцтву!»
Беларуская дзяржава ўжо рассталася з кантрольным пакетам акцый у МЦС (гандлёвая марка Velkom) – найбуйнейшым у краіне апэратарам сотавай сувязі. Невядома за колькі.
У канцы жніўня без абяцанага публічнага тэндэрнага гандлю ўласнікам кампаніі стаў кіпрскі "SB Telekom Ltd", які належыць сырыйцу.
Менскі мотавэлязавод напрыканцы лета перайшоў у рукі аўстрыйцаў расейскага паходжаньня — фірма АТЕС Holding GmbH набыла 93 % акцый — афіцыйна за сьмехатворную суму 7,2 млн. даляраў.
Аналітыкі мяркуюць, што аб'ектам цікавасьці Абрамовіча маглі быць беларускія нафтаперапрацоўчыя заводы.
-
Бабарыка быў страшна шчаслівы, калі даведаўся, што стаў дзедам — яго дачка нарадзіла ў Аўстраліі
-
«Супрацоўніца СІЗА крычыць канваіру: «Асцярожней! Ты вядзеш Нобелеўскага лаўрэата!»
-
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам
Цяпер чытаюць
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам5
Каментары