Мітрапаліт Павел пракаментаваў публікацыі ў інтэрнэце аб яго асабістым сакратары
Мітрапаліт Мінскі і Слуцкі Павел сёння пацвердзіў інфармацыю аб датэрміновым узнагароджанні некалькімі царкоўнымі ўзнагародамі свайго 21-гадовага асабістага сакратара Дзмітрыя Варламава.
«Тое, што ён атрымаў некалькі ўзнагарод, характэрна і натуральна. Такое бывае і ў вайсковай і ў цывільнай сферах. У сувязі з прызначэннем на пэўную пасаду людзі часам атрымліваюць пазапланавыя ўзнагароды», — сказаў мітрапаліт.
Ён таксама адзначыў, што ў выпадку з яго асабістым сакратаром у інтэрнэт-публікацыях не ўлічылі, што гэты чалавек ужо шэсць гадоў працуе з мітрапалітам. «Таму тое, што яму дадзена ў апошні час, не павінна нікога бянтэжыць. Гэта нармальная з'ява ў нашым жыцці, тым больш у царкоўным», — растлумачыў мітрапаліт.
Акрамя гэтага, ён падкрэсліў, што не каментуе чутак. «Калі чалавек бачыць у навакольных толькі дрэннае, то ён мае падумаць пра сябе: можа быць, у яго акуляры запамрочаныя. Думаю, што ў кожным чалавеку трэба знаходзіць толькі добрае», — сказаў мітрапаліт.
Цяпер чытаюць
Затрымалі аднаго з удзельнікаў ювелірнага брэнда Belaruskicry Ягора Бужылава. Прапагандысты паказалі яго2
Каментары