«УКантакце» з’явіўся праект пра гараджан Мінска. Яго робіць група студэнтаў. Сярод аўтараў — былы лідар «Маладога Фронту» Зміцер Хведарук. На старонцы публікуюцца гісторыі і фотаздымкі жыхароў сталіцы, якіх аўтары сустракаюць на вуліцы. Выходзіць досыць цікава.
У апісанні суполкі зазначана: « Мы не ставім перад сабой мэтаў, натхнёных юнацкім максімалізмам. Усё, чаго мы жадаем, гэта звярнуць увагу на самае унікальнае, што ёсць у Мінску. На той складнік, якi змяняе наш горад і кожнага з нас. Мы жадаем распавядаць гісторыі, якія давераць нам нашы Людзі. Людзi, без якiх наш горад не быў бы такім, якім мы яго бачым цяпер».
Ідэя праекту не новая — у кожным буйным горадзе свету падобныя старонкі ёсць. Паглядзіце на жыхароў Нью-Ёрка — у фанпэйджа, дарэчы, 13 млн падпісчыкаў. У беларускага аналага пакуль толькі тысяча.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве9
Каментары