Пра гэта паведаміў сёння журналістам старшыня Мінаблвыканкама Сямён Шапіра па выніках нарады ў кіраўніка Беларусі па ўдасканаленні заканадаўства аб ахове і выкарыстанні зямель.
Паводле слоў Сямёна Шапіры, кіраўнік дзяржавы звярнуў увагу на тое, што многія грамадзяне, індывідуальныя забудоўшчыкі, дачныя кааператывы просяць новыя ўчасткі зямель, да якіх потым неабходна падводзіць інфраструктуру і камунікацыі. У той жа час у вёсках шмат пустуючых участкаў.
«У Мінскай вобласці прынята рашэнне на працягу года даваць інфармацыю аб пустуючых участках, якія выносяцца на продаж. І ў гэтым годзе мы маем намер прадаць 15 тыс. такіх участкаў. Гэта рашэнне прызнана аптымальным, паколькі дасць магчымасць навесці парадак у вёсках, а не будаваць новыя вёскі ў чыстым полі», — сказаў губернатар.
На нарадзе разглядаўся інструментарый эканамічнага прымушэння да павышэння эфектыўнасці выкарыстання зямель. У прыватнасці, прапануецца ўнесці адпаведныя змяненні ў падатковае заканадаўства. Абмяркоўваліся таксама пытанні, якія датычацца пахавання прамысловых тэрыторый, жывёлагадоўчых ферм, старога жылля.
«На зямлі ў Беларусі парадак у цэлым наведзены. Наша зямля дагледжаная, утульная. Але разам з тым ёсць шэраг пытанняў, на якія трэба звярнуць увагу», — рэзюмаваў Сямён Шапіра.
Цяпер чытаюць
Галыгіна прымусілі апраўдвацца за зварот да сілавікоў у 2020-м17
Каментары