Samsung прызнала віну ў распаўсюдзе смяротна небяспечнага вірусу MERS
Віцэ-прэзідэнт кампаніі папрасіў прабачэння за тое, што Samsung Medical Center не стрымаў успышку вірусу.
За ўспышку смяротна небяспечнага вірусу MERS, зафіксаваную ў Паўднёвай Карэі ў маі, ўзяла на сябе адказнасць кампанія Samsung, з медыцынскім цэнтрам якой звязаныя 58 са 175 выпадкаў заражэння, перадае The New York Times.
«Наш Samsung Medical Center не здолеў спыніць інфекцыю і распаўсюд MERS, што прынесла столькі болю і непакою народу», — сказаў віцэ-прэзідэнт Samsung Electronics Лі Джыен. — Схіляю галаву і прашу прабачэння».
На момант публікацыі вядома пра 27 смярцей ад успышкі MERS ў Паўднёвай Карэі.
Бліжнеўсходні рэспіраторны сіндром пачаў распаўсюджвацца ў арабскіх краінах у 2012 годзе, затым праз вандроўнікаў перакінуўся ў Паўднёвую Карэю. Нядаўна першы выпадак смерці ад яго быў зафіксаваны ў Германіі. Лекаў ад вірусу дагэтуль няма, нявызначанае і яго паходжанне ды дакладны механізм перадачы.
Са 175 выпадкаў заражэння ў Паўднёвай Карэі 85 чалавек былі пацыентамі Samsung Medical Center, іх родзічамі альбо персаналам цэнтру. Адзін з хворых быў наёмным рабочым, які не трапіў пад каранцін і працягваў працаваць, пакуль яго дыягназ не быў канчаткова пацверджаны.
Распаўсюд MERS праз медыцынскі цэнтр Samsung можа стаць вялікай перашкодай для 47-гадовага Лі Джыена на шляху да атрымання бізнес-імперыі Samsung у спадчыну ад бацькі. Лі Джыен — адзіны сын 73-гадовага Лі Ганхі, старшыні кампаніі і малодшага сына яе заснавальніка Лі Бёнчхоля. Лі Ганхі быў шпіталізаваны ў тым самым медыцынскім цэнтры пасля інфаркту ў маі мінулага года.
Чытайце таксама: У Беларусі правядуць вучэнні на выпадак пранікнення віруса MERS
Цяпер чытаюць
«Губазікаўцы схіляюць Калеснікаву да высылкі, але яна не хоча»1
Каментары