Фота Al Arabiya
Улады Саудаўскай Аравіі правядуць расследаванне ў дачыненні да будаўнічай кампаніі Saudi Binladin Group, заснаванай бацькам Асамы бін Ладэна, шэйхам Махамедам бін Ладэнам.
Рашэнне выклікана абвальваннем крана на мячэць Аль-Харам у Меццы, у выніку чаго загінулі больш за 100 паломнікаў.
Работы па рэканструкцыі і пашырэнню мячэці, якую лічаць галоўнай і найбуйнейшай у свеце, вяла менавіта Saudi Binladin Group.
Фота Al Arabiya
Па паведамленняў мясцовых СМІ, Каралеўскі суд Саудаўскай Аравіі ў аўторак забараніў кампаніі падпісваць новыя кантракты, пакуль расследаванне не завершыцца. Акрамя таго, суд загадаў міністэрству фінансаў краіны правесці аўдыт ўсіх праектаў кампаніі і ўзяў з некаторых членаў клана Бін Ладэнаў падпіску аб нявыездзе.
Таксама суд пастанавіў выплаціць кампенсацыю ў 1 мільён саудаўскіх рыалаў (каля 270 тыс. даляраў) сям'і кожнага з пацярпелых.
Цяпер чытаюць
«Чаго з людзей здзекуецеся?!» Лукашэнка загадаў прыбраць маршруткі40
Каментары