Уладзімір Арлоў заклікае ўсіх падтрымаць збор грошай на расследаванні «НН» ВІДЭА
Беларускі пісьменнік Уладзімір Арлоў заклікаў падтрымаць краўдфандынгавую кампанію «Нашай Нівы», каб у новым годзе і «Наша Ніва», і нашае жыццё зрабіліся больш цікавымі.
Уладзімір Арлоў: «Дарагія сябры, як даўні чытач і аўтар «Нашай Нівы», я хачу выказаць бязмежную ўдзячнасць усім тым, хто ахвяраваў свае грошы на журналісцкія расследаванні нашай улюбёнай газеты. На сённяшні дзень дзякуючы кампаніі «Талака» сабрана ўжо больш за 80% неабходных сродкаў. У пераднавагоднія дні заклікаю вас працягнуць гэтую добрую справу, каб у новым годзе і «Наша Ніва», і нашае жыццё зрабіліся больш цікавымі».
Раней з заклікам падтрымаць НН праз Талаку выступілі старшыня Таварыства беларускай мовы Алег Трусаў…
…дэпутатка Палаты прадстаўнікоў, намесніца старшыні Таварыства беларускай мовы Алена Анісім…
…баксёр-чэмпіён Віталь Гуркоў…
…пісьменнік Віктар Марціновіч:
Каб падтрымаць НН, трэба адкрыць нашу старонку на сайце talaka.by.
Унізе можна выбраць суму дапамогі — ад 10 да 1000 рублёў. Ад гэтага залежыць, якую ўзнагароду вы атрымаеце: кубак з афарызмам, ці байку з афарызмам, ці фотапрацу Гудзіліна. Мы гатовыя нават пасадзіць бульбу на вашым агародзе!
Абярыце патрэбны варыянт (чым больш, тым лепш!) і націсніце на яго. Пасля трэба будзе зарэгістравацца на сайце — пры жаданні дастаткова аўтарызавацца праз фэйсбук ці Укантакце — і ўвесці дадзеныя сваёй банкаўскай карткі. Калі вы хочаце зрабіць унёсак ананімна, не забудзьцеся паставіць адпаведную птушку.
Важны этап
Краўдфандынгавы збор грошай — важны этап у гісторыі «Нашай Нівы». Мы заклікаем фундаваць нашы грамадска значныя расследаванні.
Нашыя чытачы і раней дапамагалі нам, але цяпер, дзякуючы зручнай пляцоўцы «Талакі» збор грошай стаў яшчэ лягчэйшым.
Што такое NN.by?
Гэта найбуйнейшая ў свеце беларускамоўная пляцоўка, якую штодня наведваюць з 40 тысяч камп’ютараў і тэлефонаў — больш, чым насельніцтва Навагрудка ці Глыбокае з Паставамі разам узятае.
Для развіцця беларускай мовы жыццёва неабходна захаваць такую прастору.
«Наша Ніва» адлюстроўвае інтарэсы беларускага грамадства, а не дзяржавы, сваёй ці чужой.
Нашы расследаванні
Расследаванні «Нашай Нівы» год за годам перамагаюць у беларускіх і міжнародных журналісцкіх конкурсах.
Згадайма некаторыя з іх толькі за апошні час.
Грунтоўнае даследаванне «Хто хоча зрабіць з Беларусі Заходнюю Расію» прывяло ў шал беларусафобаў усіх масцей і калібраў.
«Наша Ніва» пісала пра трэніровачныя лагеры расійскіх неанацыстаў, куды спрабавалі зацягнуць беларускіх школьнікаў, разабралася са светапоглядам «бацюшкі са свастыкай» і з мінулым лідара «Румола».
Мы працягваем адсочваць маёмасць чыноўнікаў — нядаўна вылічылі Наталлю Качанаву.
Са сваімі праблемамі ў «Нашу Ніву» звяртаюцца людзі з усіх канцоў Беларусі. Сёлета, напрыклад, журналісты разбіраліся з феадалізмам у Касцюковіцкім раёне.
Чыноўнікі вымушаныя рэагаваць на расследаванні «Нашай Нівы».
Талака тады і цяпер
Нашы продкі будаваліся талакой, старажытным спосабам узаемадапамогі. Цяпер, з прыходам найноўшых тэхналогій, удзельнічаць у талацэ стала нашмат прасцей. Дастаткова мець грошы на картцы.
Неабыякавыя беларусы з ахвотай дапамагаюць грамадска важным праектам. Сродкі на паездку Віталя Гуркова на чэмпіянат свету сабралі за лічаныя дні! Талакой выдавалі па-беларуску «Хронікі Нарніі», перакладалі «Свінку Пэпу».
Як паўдзельнічаць у зборы сродкаў?
Вельмі проста. Адкрыйце на «Талацэ» нашу старонку. Унізе можна выбраць суму дапамогі — ад 10 да 1000 рублёў. Ад гэтага залежыць, якую ўзнагароду вы атрымаеце: кубак з афарызмам, ці байку з афарызмам, ці фотапрацу Гудзіліна. Мы гатовыя нават пасадзіць бульбу на вашым агародзе ).
Абярыце патрэбны варыянт (чым больш, тым лепш!) і націсніце на яго. Пасля трэба будзе зарэгістравацца на сайце — пры жаданні дастаткова аўтарызавацца праз фэйсбук ці Укантакце — і ўвесці дадзеныя сваёй банкаўскай карткі. Калі вы хочаце зрабіць унёсак ананімна, не забудзьцеся паставіць адпаведную птушку.
На дадзены момант сабраны 101% запытанай сумы, але краўдфандынгавая кампанія працягваецца.
Каментары