Аляксандр Лукашэнка накіраваўся з афіцыйным візітам у Рэспубліку Судан. Самалёт кіраўніка дзяржавы вылецеў з Каірскага міжнароднага аэрапорта. Ля трапа самалёта Аляксандра Лукашэнкі праводзіў прэзідэнт Егіпта Абдэль Фатах аль-Сісі, паведамляе прэс-служба беларускага лідара.
У Хартуме Аляксандр Лукашэнка правядзе перамовы з прэзідэнтам Судана Амарам Хасанам Ахмедам аль-Башырам, на якіх плануецца абмеркаваць перспектывы і асноўныя напрамкі развіцця беларуска-суданскіх адносін, вызначыць канкрэтныя крокі па іх пашырэнню. Асаблівая ўвага будзе нададзена пытанням эканамічнага супрацоўніцтва. Чакаецца заключэнне шэрагу дамоўленасцяў аб развіцці ўзаемадзеяння ў розных сферах.
Плануюцца таксама сустрэчы кіраўніка беларускай дзяржавы з Віцэ-прэзідэнтам Судана Хасабу Абдэльрахманом і старшынёй Нацыянальнай асамблеі Ібрагімам Амерам.
У сталіцы Судана падчас візіту Аляксандра Лукашэнкі пройдзе беларуска-суданскі дзелавой форум.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі8
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары