Прэм’ера спектакля «Кар'ера доктара Рауса», у якім расказваецца гісторыя Францыска Скарыны як чалавека, які нарадзіўся значна раней сваёй эпохі, адбудзецца у Рэспубліканскім тэатры беларускай драматургіі 19 красавіка.
П’есу «Кар'ера доктара Рауса» Віктар Марціновіч скончыў пісаць у лютым мінулага года пасля працяглага вывучэння малавядомых крыніц пра жыццё беларускага першадрукара. Праз некалькі месяцаў гэты матэрыял быў адзначаны спецыяльным прызам конкурсу «Францыск Скарына і сучаснасць», дзе адной з узнагарод была магчымасць у хуткім часе ўбачыць тэкст на сцэне РТБД. Калектыў тэатра абраў твор Марціновіча.
«Кар'ера доктара Рауса» — гэта пра нас з вамі, пра той час, у якім мы жывем, таму што са скарынавай пары амаль нічога не змянілася: усё тыя ж суддзі, меланхтоны ды ганарлівыя лютары навокал… У скарынавых няўдачах, бадзянні па свеце можна пабачыць лёсы шмат якіх яго наступнікаў. Гэта кандэнсаваная формула беларускай кармы. У гэтым сэнсе твор і пра Алексіевіч, і пра Міхалка, і пра ўсіх тых, хто, бадзяючыся па замежжы, спрабуе ўславіць радзіму», — распавёў «НН» Віктар.
На гэты момант сцэну ўжо пабачылі дзве п’есы Марціновіча: «Самае лепшае месца на свеце» у выкананні венскага тэатра «Ganymed» і «Даспехі праведнасці» (той жа «Ganymed» паставіў яе ў Інсбруку). У Беларусі спектаклі па тэкстах літаратара да гэтага часу не рабіліся.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
Ціханоўскі патлумачыў, чаму ён так паводзіў сябе ў Нью-Ёрку40
Каментары