Аляксандр Лукашэнка ў гутарцы з журналістамі падчас наведвання Палескага дзяржаўнага радыяцыйна-экалагічнага запаведніка распавёў пра сваё стаўленне да водпуску і адпачынку, перадае БелТА.
Кіраўнік дзяржавы адзначыў, што пытанне водпуску ў адносінах да прэзідэнта ўпіраецца ў Канстытуцыю краіны.
«У прэзідэнта Беларусі водпуску як такога, звычайнага чалавечага, быць не можа. У мяне няма віцэ-прэзідэнта, і па Канстытуцыі я свае паўнамоцтвы нікому не магу перадаць», — сказаў ён.
Што тычыцца адпачынку, Аляксандр Лукашэнка не лічыць, што гэта павінна быць абавязкова звязана, да прыкладу, з паездкай на мора. «Па-першае, я не люблю цёплае надвор'е. Зусім цярпець не магу.
Адпачынак — гэта змена абстаноўкі і роду заняткаў. Калі ты сёння гуляеш у хакей, заўтра колеш дровы, а паслязаўтра косіш траву, бегаеш на лыжаролерах і гэтак далей, гэта і ёсць адпачынак для мяне. Я цярпець не магу ляжаць на пляжы і загараць. Для мяне гэта непрымальна», — сказаў ён.
Цяпер чытаюць
«Мы не ведалі Сяргея Ціханоўскага да сённяшняй прэс-канферэнцыі»12
Каментары