У сеціве з'явілася відэа бойкі, падчас якой быў забіты чэмпіён свету і Еўропы па паўэрліфцінгу Андрэй Драчоў.
На запісе, выкладзеным у Youtube, відаць, як невядомы нападае на спартсмена. Праз некаторы час паўэрліфцер падае, аднак нападнік працягвае біць, піша РІА Навіны.
Чемпион мира по пауэрлифтингу Андрей Драчёв убит в драке в Хабаровске
ВИДЕОhttps://t.co/x7ATBDBj2G pic.twitter.com/J3tYBFbp8O
Раней у Следчым камітэце Расіі па Хабараўскам краі паведамілі, што Андрэй Драчоў памёр ад чэрапна-мазгавой траўмы пасля бойкі каля кавярні ў Хабараўску.
Канфлікт пачаўся ў кавярні, потым перанёсся на вуліцу і перарос у бойку, у выніку якой спартсмен атрымаў сур'ёзныя траўмы. Драчова на хуткай дапамозе адвезлі ў бальніцу, дзе ён памёр у рэанімацыйным аддзяленні.
За інцыдэнтам назіраў ахоўнік кавярні, але яму параілі не ўмешвацца, бо, маўляў, «гэта бойка адзін на адзін».
Той, хто напаў на спартсмена, уцёк з месца злачынства, яго асоба высветленая, вядуцца пошукі. Распачатая крымінальная справа.
32-гадовы Андрэй Драчоў мае тытулы чэмпіёна свету і Еўропы па паўэрліфцінгу ў катэгорыі да 120 кілаграмаў. Пасля завяршэння кар'еры ён займаўся бодыбілдынгам.
Каментары