На аўкцыён у ЗША трапілі 100 дукатаў Жыгімонта ІІІ Вазы. У 2008 годзе яна стала самай дарагой манетай у гісторыі. За 1,38 млн даляраў яе купіў нямецкі калекцыянер. Чакаецца, што гэтым разам рэкорд будзе пабіты.
Амэрыканскі аўкцыённы дом Classical Numismatic Group INC прагназуе, што цана залатой манэты падчас аўкцыёну можа дасягнуць 2 мільёнаў даляраў. Фінал аўкцыёна пройдзе ў аўторак і сераду, паведамляе Радыё Свабода са спасылкай на Gazeta Wyborcza.
Дыяметр манеты — 70 мм, яна важыць 348,3 грамы золата. Такіх манетаў у сьвеце захавалася ўсяго шэсьць.
Манэту выбілі ў Быдгашчы. Даследчыкі мяркуюць, што яна была падарункам каралю або асобам з ягонага бліжэйшага атачэння. Іншыя мяркуюць, што манету замовіў сам Жыгімонт ІІІ Ваза.
Такіх манетаў было выбіта ўсяго некалькі. Адна з іх знаходзіцца ў Польшчы, у Нацыянальным музэі ў Кракаве. Яна паходзіць з калекцыі Эмэрыка Гутэн-Чапскага, ураджэнца Станькава пад Менскам.
Аўтарам праекта манеты быў адзін з найвыбітнейшых тагачасных еўрапейскіх майстраў — Самуэль Амон са Швайцарыі. На авэрсе прадстаўлены бюст караля без кароны, у багатай зброі. Пад бюстам майстр змясціў свае ініцыялы SA і дату 1621. На рэвэрсе пад каронай — шчыт зь дзевяццю часткамі. На іх — выявы гербаў Польшчы і ВКЛ, а таксама Швецыі і Готланда, і Снапом Вазаў у сярэдзіне.
Цяпер чытаюць
Ціханоўскі: Лукашэнку трэба судзіць па лукашысцкіх законах, але пасадзіць на кол41
Каментары