Трое расійскіх акцёраў Раман Прытула, Наталля Церахава і Антон Мошачкаў выйшлі на вуліцы Санкт-Пецярбурга з шыльдачкай «Прывет! Я з Украіны, давай абдымемся». Мэта — паглядзець на рэакцыю жыхароў расійскага горада на такі заклік.
Як адзначаюць акцёры напрыканцы роліка, абнялася з імі вялікая колькасць людзей. «Ніводнага адмоўна настроенага чалавека не было», — кажуць яны.
Шмат хто падыходзіў са словамі: «Мы ж браты». Некаторыя прапаноўвалі нешта паказаць пэўным «мудакам». «Рожы трэба біць», «Дай бог, каб усё было, як раней».
Аўтары эксперыменту напрыканцы заклікаюць «заставацца людзьмі». Зрэшты, шмат дзе ў каментах падкрэсліваюць, якія пачуцці ў рускіх у дадзены момант: украінцы браты, якіх захапіла злачынная ўлада, ці нехта ўсё ж спачувае народу, які вядзе барацьбу за сваю свабоду.
У фэйсбуку эксперымент набраў амаль 1 мільён праглядаў і 35 тысяч рэпостаў, яшчэ 210 тысяч маецца на ютубе.
А што пра гэта думаеце вы?
Каментары