Пра тое, што жыхар Лепельскага раёну ўгнаў каток, у міліцыю паведаміла ягоная маці.
Дарожная тэхніка захрасла на ўездзе ў двор, паведамляе прэс-служба УУС Віцебскага УУС.
Інцыдэнт адбыўся 28 ліпеня. 58-гадовы мужчына, якога раней неаднаразова судзілі, угнаў каток, што стаяў на ўчастку дарогі Вялікі Поўсвіж — Чарнаручча.
Мужчына, які быў п’яны (1 праміле алкаголю ў крыві), змог завесці каток і праехаць на ім 500 метраў да свайго дому ў вёсцы Малы Поўсвіж. Свой учынак міліцыянтам растлумачыў проста: хацеў разраўняць пясок на ўездзе ў двор.
Аднак на яго завялі крымінальную справу за ўгон. Цяпер парушальніку, якога раней ужо судзілі па гэтым артыкуле, пагражае да шасці гадоў пазбаўлення волі.
Цікава, што ў прадпрыемства, якое абслугоўвае дарогі ў рэгіёне, не ўпершыню крадуць тэхніку. Два месяцы таму 60-гадовы рэцыдывіст, які мае 40 гадоў турэмнага стажу, угнаў трактар МТЗ.
Цяпер чытаюць
Заканчваецца тэрмін даўніны па народным пратэсным артыкуле. Больш нікога не пасадзяць? Не, ёсць нюансы3
Каментары