Першыя каментары ад зарэгістраваных чытачоў «НН»: віншаванні выданню, захапленне бабрамі і клон прэзідэнта Нігерыі
На «Нашай Ніве» запрацавала абноўленая сістэма каментароў. Цяпер, каб пакінуць меркаванне, трэба зарэгістравацца ў Клубе чытачоў і адзін раз прайсці сістэму смс-ідэнтыфікацыі.
Новая сістэма размяшчэння каментароў. І што гэта за Клуб.nn.by?
Тым часам у Рэдакцыю прыходзяць першыя каментары, дасланыя па новых правілах.
«Віншаванні Нашай Ніве!» — такое меркаванне даслала Алена11 да артыкула «Нашай Ніве» споўнілася 112 гадоў».
На хвіліну ад яе адстаў Jauhen Z. , які ацаніў баброў, што зайшлі ў краму ўзяць прадукты і трапілі на відэа. «Якая прыгажосць)», — заўважыў ён.
Трэці каментар, Pauliuk, усміхнуўся, прачытаўшы навіну пра прэзідэнта Нігерыі. «Хто б сумняваўся. Я б на месцы клона зрабіў бы тое самае:)», — напісаў ён.
Далучайцеся!
Каментары