Лідар гурта «Океан Ельзи» Святаслаў Вакарчук заклікаў украінцаў галасаваць на выбарах прэзідэнта адказна, а не «па прыколе».
У відэазвароце на сваёй старонцы ў Facebook ён адзначыў, што свабода — гэта не авантура.
«Будучыню нельга выйграць у латарэю. Будучыня — гэта не прыкол. Яе атрымліваюць адважныя, але і адказныя. Будучыня, як і лёс краіны, у нашых руках… Выбары прэзідэнта Украіны для мяне не «прыкол». Тысячы нашых суайчыннікаў, у тым ліку маладых людзей, аддавалі сваё жыццё і аддаюць проста зараз для таго, каб мы з вамі маглі вольна выбіраць», — заявіў музыка.
Хоць у роліку Вакарчук не называў прозвішчаў кандыдатаў, імаверна, гаворка ішла пра Уладзіміра Зяленскага.
Кіраўнік выбарчага штаба Зяленскага Іван Баканаў заявіў, што Вакарчук павінен спусціцца з гары і прыгледзецца да Уладзіміра Зяленскага, паведамляе LIGA.net.
«Многія лічаць, што ў нас уся кампанія «па прыколе». Калі мы вырашылі ўдзельнічаць, то разумелі, што гэта адказны працэс для ўсіх нас і для Уладзіміра Аляксандравіча. Назад дарогі няма. Тут усё вельмі сур'ёзна. Жартаў ужо няма», — сказаў ён.
На думку каардынатара штаба Аляксандра Карніенкі, заявы Вакарчука звязаны з неразуменнем сутнасці таго, што адбываецца вакол кампаніі Зяленскага.
«Можа быць, для Святаслава з высокай гары, на якой ён сядзіць, здаецца, што гэта выглядае як прыкол, але сёння можна сказаць: жарты скончыліся», — дадаў Карніенка.
У сваю чаргу сам Зяленскі ў адказ на заяву Вакарчука апублікаваў у Instagram фота, на якім ён з іншымі членамі 95 квартала ядуць сасіскі на запраўцы.
«Каб не быць «ПА Прыколе», вырашылі быць сур'ёзнымі, як усе», — падпісаў фота Зяленскі.
Цяпер чытаюць
Ціханоўскі патлумачыў, чаму ён так паводзіў сябе ў Нью-Ёрку68
Каментары