Лівійскія спецслужбы арыштавалі ў Трыпалі двух расіян па абвінавачванні ў спробе паўплываць на вынік парламенцкіх і прэзідэнцкіх выбараў, якія ўлады Лівіі плануюць правесці у 2019 годзе, паведамляе Bloomberg.
Паводле агенцтва, два грамадзяне Расіі былі затрыманыя яшчэ ў маі, калі спрабавалі арганізаваць сустрэчу з сынам былога лідара краіны Муамара Кадафі Сейфам аль-Ісламам, які лічыцца патэнцыйным кандыдатам на пасаду прэзідэнта Лівіі.
Інфармацыя на канфіскаваных у затрыманых ноўтбуках і флэшках паказвае, што абодва яны працавалі на кампанію, «якая спецыялізуецца на ўмяшанні ў выбары, якія намечаны ў некалькіх краінах Афрыкі», у тым ліку Лівіі. У дакуменце гаворыцца таксама, што трэцяму расіяніну ўдалося пакінуць Лівію да правядзення аперацыі спецслужб.
Каментары