Акруговы суд Варшавы прыгаварыў да трох гадоў пазбаўлення волі былога супрацоўніка Міністэрства энергетыкі Польшчы Марэка В., затрыманага у 2018 годзе за шпіянаж на карысць Расіі, піша Onet.pl.
Паводле суда, у перыяд з 6 сакавіка 2015 года па 27 студзеня 2016 ён удзельнічаў у дзейнасці расійскай выведкі, накіраванай супраць Польшчы.
Марэк В. працаваў у Міністэрстве эканомікі, а затым у Міністэрстве энергетыкі Польшчы. Так, ён перадаў ГРУ даныя пра энергетычную бяспеку краіны. Марэк В., у прыватнасці, перадаваў расійскім спецслужбам інфармацыю, што датычыцца планаваных дзеянняў Польшчы ў сувязі з будаўніцтвам газаправода «Паўночны струмень-2».
Каментары