Грамадства4242

Што вядома пра «затрыманне» Ігара Шуневіча?

Апошнія дні ў інтэрнэце актыўна абмяркоўваюць інфармацыю пра тое, што экс-міністр Ігар Шуневіч аказаўся датычны да «цукровай справы». 

Фота Сяргея Гудзіліна

8 лютага тэлеграм-канал Nexta паведаміў, што Шуневіч, у час кіравання якога і працавала карупцыйная схема па пастаўках цукру, быў дапытаны. Тым больш, сцвярджаюць аўтары канала, ён быў блізкім знаёмым затрыманага фігуранта справы Крыштаповіча. Пакуль, паведамляе Nexta, экс-міністр знаходзіцца пад падпіскай аб нявыездзе або нават пад хатнім арыштам. 

На тое, што Шуневіч быў блізкі да многіх фігурантаў «цукровай справы», звяртае ўвагу і тэлеграм-канал Harbacevič. Маўляў, затрыманы КДБ намеснік начальніка ГУБАЗіК Уладзімір Ціхіня нават быў даверанай асобай у Шуневіча.

Інфармацыю аб магчымым затрыманні, са спасылкай на сваю крыніцу, апублікаваў учора і Onliner, праўда, не тлумачыцца, у якім статусе праходзіць экс-міністр: падазраванага ці сведкі. Партал таксама звярнуўся па каментар у СК, там адказалі, «што такой інфармацыяй не валодаюць». 

Тэлеграм-канал Нязыгар, не маючы крыніц унутры Беларусі, таксама эксплуатуе тэму і звязвае магчымае затрыманне Ігара Шуневіча з тым, што «Лукашэнка паціху зачышчае ўсе прарасійскія элементы ў Беларусі».

Катэдж сям'і экс-міністра ў Драздах-2, фота Волі Бандарэнка

Карэспандэнт «Нашай Нівы» з'ездзіў у Дразды-2, дзе жыве Ігар Шуневіч. На званок у дзверы ніхто не адрэагаваў, толькі нечы цень адсунуў фіранку і паглядзеў праз яе ў двор. Ці гэта быў Ігар Шуневіч, ці яго жонка, не было відаць. На паўторныя званкі ў дзверы і па гарадскім тэлефоне таксама ніхто не адказаў.

«Ігар Шуневіч не з'яўляецца фігурантам ніводнай крымінальнай справы, якая на гэты момант знаходзіцца ў працы следчага ўпраўлення Камітэта дзяржаўнай бяспекі», — сказаў афіцыйны прадстаўнік КДБ Андрэй Яраш у панядзелак.

Ігар Шуневіч нарадзіўся ў 1967 ва Украіне (Луганская вобласць). У 1992 скончыў Акадэмію міліцыі МУС Беларусі, служыў у міліцыі. Працаваў у КДБ (2007—2012). У студзені 2012 прызначаны першым намеснікам міністра ўнутраных справаў, у маі таго ж года — міністрам, з пасады сышоў у чэрвені 2019-га. 

КДБ: Шуневіч не з'яўляецца фігурантам цукровай справы

Каментары42

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларуска расказвае, як з 15 гадоў жыве з шызафрэніяй19

Беларуска расказвае, як з 15 гадоў жыве з шызафрэніяй

Усе навіны →
Усе навіны

Адвакат латвійскага баскетбаліста Цімы: З расійскага морга яго аддалі голым, без грыму і бальзамацыі1

На працягу двух сутак ЗША прымуць рашэнне аб магчымым далучэнні да ваенных дзеянняў супраць Ірана6

Анколаг Каранік выступіў з дакладам аб захаванні буйной рагатай жывёлы14

Маладую мінскую юрыстку, якая цяпер займаецца дызайнам інтэр'ераў, асудзілі за ўдзел у пратэстах7

Таўро «Слава Расіі» на жываце ўкраінскага палоннага. Хто і навошта мог гэта зрабіць і ці можна яго вывесці?2

Учора вечарам і сёння раніцай у Беларусі назіраліся серабрыстыя аблокі1

На заробкі ў Польшчу цяпер толькі з ДНЖ? Разабраліся, хто можа працаўладкавацца там па новых правілах14

З-пад завалаў шматпавярховіка ў Кіеве ноччу дасталі яшчэ пяць целаў, колькасць загінулых дасягнула 21

У Беларусі пачынаюць прадаваць электракары за 20 900 рублёў. Але выглядаюць яны вельмі незвычайна2

больш чытаных навін
больш лайканых навін

Беларуска расказвае, як з 15 гадоў жыве з шызафрэніяй19

Беларуска расказвае, як з 15 гадоў жыве з шызафрэніяй

Галоўнае
Усе навіны →

Заўвага:

 

 

 

 

Закрыць Паведаміць