Будуць падпісаныя дакументы пра «супрацоўніцтва ў нафтавай сферы». Прэм'ер Расіі распавёў пра вынікі перамоваў з Галоўчанкам
Па выніках расійска-беларускіх перамоваў будуць падпісаныя дакументы аб будаўніцтве беларускай АЭС па расійскім дызайне і супрацоўніцтве ў нафтавай сферы, заявіў прэм'ер-міністр РФ Міхаіл Мішусцін, піша «Інтэрфакс».
«Падчас вашага візіту будуць падпісаныя вельмі важныя дакументы. Гэта, у першую чаргу, пабудова беларускай АЭС і супрацоўніцтва ў нафтавай сферы», — сказаў Мішусцін на сустрэчы з кіраўніком урада Беларусі Раманам Галоўчанкам.
Ён выказаў надзею, што дакументы будуць падпісаныя, а перамовы буду паспяховымі і канструктыўнымі.
У сваю чаргу Галоўчанка заявіў, што выйсці на падпісанне гэтых дакументаў атрымалася дзякуючы напружанай і мэтанакіраванай працы дзвюх краін.
Прэм'ер Беларусі пацвердзіў, што ў ліку ўзгодненых рашэнняў пытанні, якія тычацца збудавання Беларускай АЭС і разлікаў за пастаўкі энерганосьбітаў.
Ён таксама распавёў, што на мінулым тыдні ўпершыню пабываў на АЭС і атрымаў шмат уражанняў.
Каментары