Сын Азаронка стаў на абарону Мукавозчыка: Шакалы цкуюць ільва
Вядучы СТБ Рыгор Азаронак (сын таго самага Юрыя Азаронка, найбольш адыёзнага прапагандыста з 90-ых) выказаў сваю салідарнасць з «Залатым пяром» Беларусі, калумністам «Советской Белоруссии» Андрэем Мукавозчыкам.
Азаронак адрэагаваў на публікацыю асабістых даных Мукавозчыка ў тэлеграм-канале Нехта.
«[Тэлеграм-канал] заклікаў сваіх прыхільнікаў да фізічных распраў з аўтарам. Вось такая дэмакратыя і свабода слова. Калі аргументаў няма, у ход ідуць цкаванне і пагрозы», — так ацэньвае сітуацыю вядучы дзяржаўнага канала.
Ён упэўнены, што гэта не мае ніякага дачынення да журналісцкай этыкі і плюралізму, а брудная, нахабная, цынічная і подлая гульня.
«Яны лічаць, што могуць цкаваць, зневажаць, абражаць людзей. А любы адказ выклікае злосць і нянавісць. Аб'яднаны жаночы штаб падаў заяву на журналіста ў Генеральную пракуратуру. За слова, за артыкулы. Шантаж, пагрозы, даносы. Вось іх метады», — каментуе Азаронак.
Далей Азаронак паскардзіўся, што сутыкнуўся з кібербулінгам.
«Вы ў курсе наконт мужчынскіх паняццяў. Захапляюся Вашым талентам. Шакалы будуць віскатаць і далей. Чакаем новы тэкст», — выказвае падтрымку Мукавозчыку Азаронак.
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары