У Светлагорску людзі пастаялі ля помніка са свечкамі ў памяць Бандарэнкі, а цяпер атрымліваюць суткі і штрафы
13 лістапада мінулага года некалькі жыхароў Светлагорска сабраліся каля помніка «Жалобны звон», каб ушанаваць памяць загінулага ў Мінску Рамана Бандарэнкі. Тады яны запалілі знічы, якія паставілі ля помніка, прамовілі некалькі жалобных прамоў. У апошнія дні перад сканчэннем тэрміну прыцягнення да адміністрацыйнай адказнасці у раённым судзе аўрал — тэрмінова судзяць удзельнікаў нібыта несанкцыянаванага масавага мерапрыемства, піша Палеская вясна.
6 студзеня а 21-й гадзіне з дому міліцыянты забралі Алену Навумовіч. Тады яе пратрымалі ў РАУС 3 гадзіны 20 хвілін і вызвалілі, уручыўшы позву з’явіцца ў РАУС на 11 студзеня. 11 студзеня яе адразу з РАУС завезлі ў суд. Там суддзя Уладзімір Сцяпанаў прысудзіў Алене штраф памерам 20 базавых велічынь.
12 студзеня ў судзе Светлагорскага раёна вынеслі ажно тры прысуды. Анатолю Кнігу суддзя Уладзімір Сцяпанаў прысудзіў 15 сутак арышту. Наталлю Найдзёнік гэты ж суддзя Уладзімір Сцяпанаў аштрафаваў на 15 базавых велічынь, а Валерыя Найдзёніка той самы суддзя Уладзімір Сцяпанаў пастанавіў зняволіць на 9 сутак. Пакуль прысуды не набылі законнай сілы, Анатоль Кніга і Валерый Найдзёнік засталіся на волі.
Усе рэпрэсаваныя былі прызнаныя вінаватымі ва ўдзеле ў «несанкцыянаваным масавым мерапрыемстве».
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8
Каментары