Але ад пятніцы зноў пахаладае.
На гэтым тыднi на тэрыторыю Беларусi будуць паступаць цёплыя, але вiльготныя паветраныя масы з поўдня Еўропы,
паведамiў начальнiк службы гiдраметэапрагнозаў Рэспублiканскага гiдраметцэнтра Дзмiтрый Рабаў.
Таму амаль паўсюдна, аж да нядзелi, будуць iсцi кароткачасовыя дажджы, у асобных раёнах навальнiцы. У чацвер па паўднёвым усходзе, а ў пятнiцу месцамi чакаюцца моцныя дажджы. Пры навальнiцах узмацненне ветру парывамi да 15—20 м/с.
Тэмпература паветра сёння ўдзень 24—29, па паўднёвым усходзе да 31 градуса,
у чацвер уначы 12—19, удзень 21—27, па паўднёвым усходзе да 30 цяпла.
А вось з пятнiцы тэмпература пачне знiжацца, калi ўначы чакаецца 12—18, удзень 16‑22, на ўсходзе да 28 градусаў.
У суботу i нядзелю ўначы будзе 7—14, а ўдзень толькi 15—22 градусы.
Цяпер чытаюць
За каву аштрафуюць? Як праходзяць рэйды на запраўках10
Каментары