На мастака Алеся Пушкіна завялі крыміналку за «рэабілітацыю і апраўданне нацызму»
За партрэт пасляваеннага антысавецкага партызана Яўгена Жыхара.
Пракуратура Гродна 26 сакавіка распачала крымінальную справу супраць кіраўніка прыватнай установы «Цэнтр гарадскога жыцця» Паўла Мажэйкі і мастака Алеся Пушкіна, а таксама іншых асоб «за здзяйсненне наўмысных дзеянняў, накіраваных на рэабілітацыю і апраўданне нацызму», — паведамляе телеграм-канал ведамства.
Прычынай стала тое, што 19 сакавіка на выставе карцін Пушкін змясціў партрэт удзельніка пасляваеннай антысавецкай партызанкі Яўгена Жыхара з аўтаматам на плячы.
Жыхар, піша пракуратура, падчас нямецкай акупацыі прайшоў навучанне ў спецпадраздзяленні Абвера і ў 1944-м быў закінуты ў Полацкую вобласць. «З 1946 года ён узначаліў атрад з былых паліцаяў і іншых здраднікаў, якія на працягу 9 гадоў у Пастаўскім раёне здзяйснялі забойствы міліцыянтаў, партыйных і дзяржаўных службовых асоб, падпалы адміністрацыйных будынкаў і дыверсіі на чыгунцы».
Паводле пракуратуры, падчас выставы Пушкін характарызаваў Жыхара як чалавека з беларускага супраціву, змагара з бальшавікамі, і гэта стала падставай для крыміналкі.
-
Лукашэнка: Прыйшоў час вярнуцца на шлях нармалізацыі адносін Беларусі і ЗША
-
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту
-
«Адну мяне прыводзіць у шаленства, што за мяжой я выключна ІрЫна?» Беларуска абураецца транслітэрацыяй у пашпарце з беларускай мовы
Каментары