У Слуцку маладзёны выбівалі ў школьніка доўг за разбіты смартфон з дапамогай пісталета
Увечары 3 красавіка ў цэнтры Слуцка стралялі: двое хлопцаў спрабавалі такім чынам «выбіць» доўг у старшакласніка. Апошні сур'ёзна не пацярпеў, але распавёў пра здарэнне бацькам, тыя звярнуліся ў міліцыю, паведамляе Tut.by са спасылкай на міліцыю.
Канфлікт паміж 18-гадовым хлопцам і 15-гадовым школьнікам пачаўся пасля Новага года: малодшы заступіўся за сваю сястру, па віне якой старэйшы разбіў свой смартфон. Школьнік прапанаваў часткова пакрыць шкоду, але праз месяц.
Тэрмін скончыўся, а грошы хлопец так і не вярнуў. У выніку ўладальнік разбітага смартфона, заручыўшыся падтрымкай 17-гадовага таварыша, пайшоў да бацькоў даўжніка і запатрабаваў у іх суму, якая ўдвая перавышала ранейшую. Дарослыя адмовілі яму і папярэдзілі, што паведамяць аб вымагальніцтве ў міліцыю.
Пасля гэтага юнакі адважыліся на крайнія меры: у ход пусцілі пнеўматычны пісталет, стрэліўшы некалькі разоў у паветра і па нагах школьніка.
Маладых людзей затрымалі і распачалі крымінальную справу за прымус да выканання абавязацельстваў, здзейсненае групай асоб з ужываннем гвалту, не небяспечнага для жыцця або здароўя (ч. 2 арт. 384 КК) — ім пагражае ад двух да шасці гадоў.
Цяпер чытаюць
Што Польшча і Беларусь хочуць адзін ад аднаго пры вызваленні Пачобута? А Канапацкая вызвалася стаць паручыцелем7
Каментары