Учора ў паўднёвай частцы Мінска ў выніку аварыі здарыліся праблемы з вадой. У выніку ў крамах расхапалі бутыляваную ваду, а там-сям заўважылі, што і цэны на ваду выраслі.
«Злоўжыванні пры фарміраванні цэн на пітную ваду недапушчальныя», нагадалі ў Міністэрстве антыманапольнага рэгулявання і гандлю (МАРГ).
«Улічваючы сітуацыю, якая склалася ў некаторых раёнах горада Мінска з пітной вадой, МАРГ трымае пытанне на асаблівым кантролі. Пітная вада ўключана ў пералік сацыяльна значных тавараў. У сувязі з чым з улікам сітуацыі Міністэрства настойліва рэкамендуе прытрымлівацца ўзроўню гандлёвых надбавак на яе ў памеры, не большым за 30%», — паведамілі ў прэс-службе міністэрства.
Там дадалі, што паведамляць аб значным росце цэн можна праз анлайн-форму. Парушальнікам пагражае адміністрацыйная адказнасць.
Цяпер чытаюць
Праца фізічнага офіса Ціханоўскай у Вільні часова прыпынена74
Каментары